Þó ekki væri.

Hann er nú búinn að sýna það hann Steingrímur, að hann er enginn aukvisi í pólitíkinni. það er klárlega virði einhverrar orðu honum til handa, að halda saman og ná einhverju útúr þessu "villikattastóði". Ekki síður gengur kraftaverki næst, að Jóhanna skuli ekki vera farin á límingunum eins og þetta gengur fyrir sig á stundum. En nú er mikið í húfi að berja í brestina og bíta á jaxlinn, þjóðaratkvæði um kvótakerfi Framsóknar og andskotans, ekkert minna. Engin feilspor núna takk.

Stjórnarsamstarfið ekki í hættu

Munu ekki allir fagna þessum hugmyndum?

Það er aldeilis ómögulegt annað en Framsóknaríhaldið stökkvi hæð sína af gleði, jafnvel í öllum herklæðum. Þar á bæ er enda mjög mikill áhugi fyrir þjóðaratkvæðum og er það vel. Vinstri grænir geta nú varla búið til mikinn ágreining um svona mál heldur, þó það sé búinn til ágreiningur um allt á þeim bænum.

Samfylkingin vill þjóðaratkvæði um fiskveiðistjórnunarkerfið

Moggi heldur uppi merkinu.

Það er haldið vel utanum að kynna þvaðrið sem Ragnar þessi gefur frá sér hér á mogga. Ekkert undarlegt við það svo sem, snepillinn enda gerður út af sægreifum og eigendum Líú og kvótans. Akkúrat þeim sömu og komið hafa þjóinni þangað sem hún er núna. Því er haldið fram að þarna séu að tapast einghver verðmæti úr höndum landsbyggðar. Ekkert er fjarri sanni, það er hvorki verið að hætta fiskveiðum, sem er auðvitað aðalmálið fyrir landsbyggðina að fiskur komi á land þar og sé unnin þar. Eða verið að færa þaðan nein verðmæti heimildirnar verða áfram nýttar af landbyggðinni þó þær komi úr höndunum á réttum eiganda, þ.e. frá þjóðinni sjálfri og verða í mun meira mæli nýttar af hagkvæmari flota en nú er.

Áhrif fyrningarleiðar mismikil

Engin ástæða til að gráta þetta ábyrgðarleysi.

Því meira sem þessi Líú klíka málar sig útí hornið, því auðveldara verður að ganga framhjá þeim við lagasetningar og ákvarðanatöku. Því meira rugl úr þessari áttinni, því betra. Á endanum dettur engum í hug að leita þar álits eða ráða. Fínt mál.

Gagnrýndi SA fyrir ábyrgðarleysi

Það þarf mikið af fólki....

.....til að "skera" loðnuna, eins og segir frá í þessari frétt. það er nú eins og manni finnist stundum vera búið að reka aðeins of marga af þessum snepli. Annars hefur lengi ekkert verið gert í að vera með fólk sem hefur gripsvit á sjávarútvegi á mogga, eða þá að þeir eru uppteknir við að skrifa fyrir eigendurnar um kvótann.

Skólafólk í hrognavinnslu um helgina á Fáskrúðsfirði

Ætlar maðurinn ekki að taka mark á forseta vorum?

Það er honum nú betra að gera, ORG er maður sem hefur ýmsa þræði í sínum höndum. Það er gamanlaust, ekki mikil ástæða til að halda að Breska ljónið fari á taugum yfir ORG, það gera bara minni spámenn.

Brown vísar á Darling

Þó það nú væri.

Ef það er eitthvert mál sem hentar í slíka atkvæðagreiðslu er það kvótinn. Einfalt mál, miðað við það sem nú var á borðunum, og línur ekki flóknar.

Næst fiskveiðistjórnunarkerfið í þjóðaratkvæði?

Það væri nú toppurinn.

Ef það verður raunin, sem ég reyndar átta mig ekki á ástæðum fyrir, þá væri nú fullkomað skemmdarverkið á íslensku efnahagslífi. þá getur hópurinn sem hefur verið að dásama aðkomu Indefence, Neins og Sigmundar tekið gleði sína tvöfalda. En vonandi eru þetta hrakspár en sennilega þarf alveg að klippa á aðkomu þessara gaura og ríkisstjórnin verður að klára málið, ef ekki, þá rætist sennilega þessi spá. Þetta festist bara í öngstrætinu.

Moody's: Gæti tafið samning um eitt ár

Auðvitað berum við ábyrgð.

Það er engin spurning, að þjóðin ber sameiginlega ábyrgð á að kjósa yfir sig íhaldsstefnu Davíðs og Hannesar í hverjum kosningum frá '91. Kjósendur á Íslandi sitja uppi með þessi vandræði og það virðist ekki vera mikil ástæða til vorkunnar, ekki er annað að sjá en að kjósendur mundu veðja aftur á sama hestinn, ef kosið yrði nú, svo þeim leiðist ekki gjaldþrotið?

Það er hinsvegar auðheyrt á fólki hér, að það hefur mikla samúð með Íslendingum og margir vilja ganga miklu lengra en stjórnin hér hefur gert. En hvað mun það endast lengi með málflutningi eins og hjá ORG í morgun, t.d. ??

Ekki frekari lán til Íslands

Gríðarlega mikilvægt álit.

Það er nú frekar ótrúlegt að mikið verði gert með steypuna sem hér er verið að fara með. Hún greinilega botnar ekki neitt í neinu og áttar sig t.a.m. ekkert í að Steingrími, fjármálráðherra landsins, skuli liggja svona á við að semja um málið, til að koma atvinnulífinu í gang. Finnst það fyrn mikil að það skuli vera bil á milli Sigmundar og Steingríms? Hún ætti að skoða ræðurnar sem fulltrúar atvinnulífsins hafa haldið síðasta árið, eða svo. Maður fer að velta fyrir sér fjárfestingunni í menntuninni hjá sumum. 

Skilaboð til ríkisstjórnarinnar