Halli, Halli, Halli minn!!!

Hvað er að gerast með "besta lið í Evrópu"....Er þetta ekki kallað að toppa á vitlausum tíma, eða hvað er í gangi? Mér finnst svo rosalega langt síðan þið voruð búnir að taka titilinn, en það lengist eitthvað leiðin að honum með þessu lagi.

Nú getur ekkert bjargað þessu í hús hjá ykkur, annað en að einhverjir af þeim bestu misstigi sig og það er nú ekki mjög líklegt í augnablikinu. Þó er aldrei að vita...

Chelsea í 2. sætið - Liverpool tapaði - Baulað á leikmenn Arsenal

Góða frétt dagsins.

Er það nú góða fréttin í dag, að hægt hafi á vexti atvinnuleysis...? Það er nú reyndar engin smásmíði á ekki stærri vinnumarkaði, að það skuli vera á sautjánda þúsund manna án atvinnu, skelfilegt mál alveg. Það sem ég kvíði mest, er að ég held að það sé mikið í pípunum ennþá, þessi ógæfa á eftir að versna, því miður.

Ég ráðlegg fólki að kíkja við á kynningu norðmanna í ráðhúsinu á morgun. Hér vantar fólk í ýmis störf og kannski aðallega iðnaðarmenn og "norar" taka vel á móti Íslendingum, svona heilt yfir. Ég hef rekist á íslendinga í allskonar störfum og þó hér sé samdráttur líka, eins og annarsstaðar, þá er þörf á fólki mikil í ýmsum greinum. Ekki síst iðnaðarmenn og réttindamenn til sjós t.d.

Sá reyndar einhversstaðar tölur um stóraukið atvinnuleysi í landinu, svo það er ekki alltaf gott að botna í hlutunum, en svona eru þeir.

Víða eru starfskjörin undarleg í okkar eyrum. Þurfti að hoppa í leigubíl smáspotta í gær og bílstjórinn fór að forvitnast um mína hagi og ég hans. Það kom á daginn að hann hafði hætt á toppskipi í uppsjávarveiðum hér til að fara í olíuiðnaðinn og sagði að ekkert jafnaðist á við það í launum, eða vinnutíma, (sem ég hélt reyndar að væri í uppsjávarveiðunum).

Það kom í ljós að hann vinnur í tvær vikur og er svo í fríi í fjórar...og þá keyrir hann leigubílinn sinn, svona eins og hann nennir, til að verða ekki vitlaus á aðgerðarleysinu...það er margt skrítið í kýrhausnum.....og undarlegir menn kettirnir....eða þannig sko.:)

Hægir á vexti atvinnuleysis

Mikil hlýtur angist manna að vera þarna.

Ég segi nú ekki annað en það. Er það virkilegt að þetta sé skársti kostur í Suðurkjördæmi? Ef svo er, þá er málið miklu svakalegra en það leit út með Mathiesen, en ok. þetta verður allt að hafa sinn gang.

Davíð í framboð á Suðurlandi?

Algerlega laukrétt.

Þetta er alveg laukrétt hjá honum Friðrik. Það er ábyrgðarhluti að standa fyrir hræðsluáróðri um þessi mál. Ég veit það frá fyrstu hendi, að starfsfólk Steingríms í Þorlákshöfn varð sumt skrítið í framan að frétta það úr mogganum að það stæði jafnvel til að fækka um helming starfsfólki Frostfisks, af þessum sökum.

Engin störf tapast í fiskvinnslu vegna hvalveiða

Þarna virðist vitleysunni verða allt að vopni.

Svei mér þá, þetta er gasaleg framganga og ef það er orðið svo, að mannasættirinn og geðprýðismaðurinn Tryggvi Agnarsson fær ekki rönd við reist, þá þarf ekki að binda þarna um skeinu lengur, skepnan hefur andast.....af slysförum, sem er mjög slæmt fyrir málstaðinn. Það eru nefnilega ekki aðrir í sjónmáli til að berjast gegn kvótaskepnuskapnum í sjávarútveginum, nema með hangandi hendi... 

Flótti úr Frjálslynda flokknum

Það hafa nú menn talið sig vita nokkuð lengi.

Enda alveg jafn víst og að dagur fylgir nóttu, að hann hefði aldrei náð efsta sætinu og sennilega ekki þremur efstu, hann er svo vita vonlaus. Hann hefur jafnvel verið verri fjármálaráðherra en sjávarútvegs og er þá nokkuð langt til jafnað. En, talsverð hreinsun þarna og ástæða til að fagna henni.

Árni Mathiesen ekki í framboð

Ég er á því núna...

...að þetta sé skynsamleg ákvörðun. Í hita umræðunnar í haust fannst mér að það þyrfti að láta þá finna til tevatnsins Bretana, en nú held ég að það sé betri kostur að standa við bakið á banka-leifunum eða eigendum til að ná fram rétti sínum þarna. Ekki þjóðin sem slík.

Hætt við málssókn gegn Bretum

Flottur Kristján.

Hann lætur ekki að sér hæða hann Kristján Loftsson. Engin bilbugur og er auðvitað að undirbúa sína hvalvertíð. Það verða margir gamlir starfsmenn hans úr þessum veiðum sem eiga eftir að taka þessu fagnandi, svo mikið er víst. Veit ekki alveg með hvalavinina, en það er nóg fyrir alla, klárlega.

Hvalur 8 í slipp

Átti einhver von á því?

Að hægt væri að treysta Framsóknarmönnum í heila tvo mánuði, öðruvísi en að á þeirri spýtu héngju einhverjar dúsur? Aldrei, þetta ætti ekki að koma neinum á óvart og gerir örugglega ekki, hjá þeim sem komnir eru til vits og ára og þekkja þetta eiginhagsmuna-flokksbrot. Það þarf að slaka einhverju í Hössa þennan og málið dautt...

Höskuldur í háskaför

Þannig var það fyrir einhverjum 50 árum, já.

En það var nú annar tíðarandi og ekkert verið mikið að velta sér uppúr slíku. Bara aumingjaskapur ef ekki var bara bitið á jaxlinn, reynt að berja frá sér, jafnvel þó þeir væru eitthvað aðeins of margir og í versta falli að grenja yfir öllu saman. Það versta var að klaga eða kvarta, það var bara ekki í myndinni og skemmdir á fötum eða einhverjar skurfur lognar til.

En fjandinn hafi það, þetta á bara ekki að geta viðgengist í dag og ef svo er, sem ég er ekkert að efast um, er það eitthvað sem eiga að vera til sérfræðingar til að höndla.

Annars hef ég alltaf haft tilhneigingu til að vorkenna þeim sem eru gerendur í eineltinu, hefur oft orðið hugsað til þess, að ekki vildi ég burðast með svona athæfi á samviskunni ævina út. En auðvitað var þetta oft barnaskapur og vitleysisgangur sem átti að stöðva af fullorðnum og þeirra er ábyrgðin á eineltinu, alltaf. Bæði foreldra og skólayfirvalda.

Einelti látið viðgangast á Selfossi?