"þótt ekki mætti vænta mikilla breytinga til batnaðar á næstunni".

Þetta er stórkostleg yfirlýsing hjá ráðherra sjávarútvegsmála. Hann vill greinilega heldur blekkingarnar fyrir sína hönd og Hafró, að telja sér trú um að veitt sé eitthvað ákveðið þegar staðreyndirnar eru allt aðrar.

Það hljóta nú að vera verkir með svona heimsku.

Segir brottkast að aukast gífurlega

Ekkifréttir Magga Kristins.

Það eru held ég flestir sem eitthvað hafa spáð í sjólag og strauma við Bakkafjöru efins um ágæti þessara hafnarframkvæmda. Það sem er gallað í þessu ferli er að vera að fara af stað með mótmælin núna. Engar staðreyndir hafa komið upp á borðið nýjar síðan bæjarstjórn Vestmannaeyja var að berja á Sturlu að klára lög um þess höfn í aðdraganda kosninga. Þeir höfðu fullan sigur þar og út frá því hefur verið unnið síðan. Allur þessi pakki hefur annaðhvort þegar verið boðinn út eða er á leiðinni í útboð, svo ég sé ekki betur en að skaðinn sé þegar skeður og engu verði um þokað þar nema með stórtjóni. 

Hvað voru menn að hugsa þegar bæjarstjóranum var sleppt lausum í fyrravor?

Nýr Herjólfur mun betri kostur en Bakkafjöruhöfn

Alveg ótrúleg starfsemi útifyrir Sómalíuströndum.

Það er ekki seinna vænna að reyna að uppræta glæpalýð sem þarna veður uppi og hrellir saklausa sjófarendur. Hreint verður að teljast ótrúlegt að þessi starfsemi skuli þrífast þarna árið 2008. Hvar eru nú alheimslöggurnar BNA, er kannski ekkert varið í þetta slátur, engin olía til að hramsa?

Sjóræningjar yfirheyrðir

Japani í hvalveiðar við Ísland.

það væri þarft verk að athuga með hvort ekki er hægt að fá flota frá Japan eða Koreu til að sinna hvalveiðunum hérna. Eða jafnvel bara að fá verksmiðjurnar til að hirða skepnurnar ef Kristján mundi drepa. Ekkert mas uppí fjörum fyrir allra augum eða vandamál með flutninga á markað. Verksmiðjurnar færu með allt góssið um borð til síns heima, milljónamarkaðir þar sem fólk bíður spennt eftir hvalafurðum til að seðja hungur sitt.

 http://hva.blog.is/blog/hva/entry/506179

Hvalveiðiflotinn í höfn

Þau skildu vegna þess að þau óttuðust um líf sitt.

Það er ótrúlegt ráð við dauðdaga að skilja? En það er raunar af fréttinni ljóst, að þau hafa kveikt á perunni og gift sig aftur, enda trúlega ekki verra að drepast giftur, eins og raunar flestir gera.

Sonur bin Ladens fær ekki að koma til Bretlands

Hann er ekki í neinu áfalli "Snúðurinn" okkar.

Það er alveg á hreinu að hann Árni heldur fullkomlega ró sinni, enda er hér allt í lukkunnar velstandi og allir hlutir standa bara ansi vel, ef undan eru skilin þessi tímabundnu vandræði sem alþjóðleg niðursveifla og taugaveiklun er að valda. Það er hinsvegar ekkert sem hann tapar svefni yfir enda maðurinn sérdeilis rólyndur og fastur fyrir. Svona eiga fjármálaráðherrar að vera.

Fjármálaráðherrar „í áfalli“

Símtal frá Sir Ferguson.

Það er ómögulegt annað en það verði eftirspurn eftir að fá símtal frá Ferguson í framtíðinni. Ekki er annað að sjá en þau séu gulls ígildi í aðdraganda stórleikja við helstu keppinauta Man.Utd. Honum er margt gefið honum Sir Alex Ferguson.

Steve Bruce: Ferguson hringdi tvisvar í mig fyrir leikinn

Mengunarvarnarbúnaður við lifrarbræðslu???

Ef Katrín ætlar að segja okkur að það sé einhver búnaður til varnar mengun við lifrarbræðsluna hér í Þorlákshöfn þá er mér öllum lokið. Djöfulleg er ýldupestin af hausadraflanum en hún slær hana út á stundum frá hinum viðbjóðinum. Svo það þarf ekki frekar vitnanna við, enda er nákvæmlega sama hvaða turnar eru settir þarna upp, úldið og skemmt hráefni er viðbjóður og verður alltaf. Ógeðið sem fram fer utan við kofana þegar verið er að taka "hráefni" í hús úr gámunum, er nú nóg til að allt venjulegt fólk með lyktarskin fær æluna uppí kok. Síðan er draflanum af planinu spúlað útí götu að loknum aðgerðum. Lyktinni á svæðinu á svona degi er ekki hægt að koma til skila á prenti....

Þessu skítabakaríi verður að loka ekki seinna en strax, allt annað er algerlega óásættanlegt fyrir íbúa Þorlákshafnar.

Það hefur enginn haft uppi nein ósannindi um þetta fyrirbæri, enda er það ekki hægt, sannleikurinn er svo lygilegur. Það er hægt að standa við hvar og hvenær sem er.

Hefur ekki fengið leyfi til að setja upp mengunarvarnabúnað

Það væri dásamlegt Ferguson.

En sennilega hægara um að tala en í að komast. En þetta er rétti andinn, klára málið á Stamford Bridge..

Ferguson vill landa titlinum á Stamford Bridge

Þeir eru ekki árennilegir á heimavelli.

En þessari sigurgöngu fer nú vonandi að ljúka, helst ekki seinna en með komu ManUtd á Brúna. Það væri nú svosem ásættanlegt að ná jöfnu en það er ótrúlegt að Ferguson mæti þar með því hugarfari.

Chelsea: 80. leikurinn í röð án taps á heimavelli?