Verkefni í Norðurhöfum?

Er ekki ástæða til að fá þennan flota í að fækka hval í Norðurhöfum, áður en hann étur okkur út á gaddinn?

Með því væri búið að leysa söluvandamál og/eða flutningavandamálin vegna afurðanna og við þyrftum engar áhyggjur að hafa af framganginum að öðru leiti. Japanski flotinn kæmi og veiddi undir eftirliti Hafró og færi síðan til síns heima með afraksturinn.

Hvalveiðiflotinn heldur heim

Laun í evrum?

Það endar sjálfsagt með því að hann Eggert greiðir launin í evrum. Ætli hann haldi sig samt ekki við flotkrónuræfilinn í bili. Honum er allavega ekki mikið í mun að greiða fyrir fiskinn uppúr skipunum sínum í neinum alvöru gjaldmiðli og ekki einusinni nothæft verð í flotkrónum, það mundi nú hallast fljótt á merinni ef hann yrði settur í "Evrópusamhengi" í fiskverðum hvort sem væri í hvítfiski eða bræðslufiski?

Ef t.d. fregnir af kolmunnaverði hjá verksmiðjunni á Akranesi eru réttar, er útlit fyrir að ekki verði mikið um gúanólykt þar á næstunni.

Samdráttur í bílasölu og laun greidd í evrum

Rosa leikur.

Þetta var góður sigur og kærkominn í alveg frábærum leik. Arsenal fannst mér vera öflugir í fyrri, en mínir menn sýndu hvað í þeim býr í seinni, sérstaklega eftir innkomu Andersons og Teves. Annars gat sigurinn í þessum leik lent hvorum megin sem var, það er alveg ljóst

Hargreaves tryggði United sigur með glæsimarki

Það væri óskandi að satt væri.

Það væri virkilegur sigur unnin ef mönnum tækist að finna lyf gegn þessum skelfilega hrörnunarsjúkdómi. Auðvitað er stanslaus vinna í gangi víða um heim í þessum tilgangi og ég er viss um að á endanum detta menn niður á lausnina, það er mikið undir.

Lyf gegn Alzheimer?

Vorboðinn ljúfi.

Það verður að taka því eins og hverju öðru hundsbiti. Vonandi er þetta ekki að segja neitt um Kaupþing? Það er auðvitað aldrei mjög traustvekjandi þegar stór hluti áhafnarinnar og allt stjórnendur úr brúnni taka til fótanna...

Greinendur yfirgefa Kaupþing í Noregi

Snillingurinn Ronaldo.

Hann verður nú varla metinn til fjár þessi piltur og hvað sem segja má um þessi launamál í boltanum, þá er auðvitað lógikk í því að hann sé launahæstur á Bretlandseyjum, hann er nú einusinni sá besti í heiminum í dag.

Risasamningur í burðarliðnum hjá Ronaldo við Man Utd

Sóun.

Það er ekki hægt að kalla þetta neitt annað. Þarna verður sóað bestu árum ungs og efnilegs manns. Enn eitt dæmið um hvernig fíkniefnaviðbjóðurinn er að fara með ungt fólk. Afar dýr kennslustund sem sennilega verður samt engum til gagns, því miður, þessum krakkagreyjum sem tengjast þessum hryllingi virðist ekki sjálfrátt. Það hefur reyndar komið fram að hann Birgir Páll tengist þessu fyrir slysni og greiðasemi, sem gerir þetta enn grátlegra.

Dæmdur í 7 ára fangelsi

Það þarf umhverfismat.

Þannig er nú það að þessi framkvæmd þarf í umhverfismat, sem 2+1 vegur hefði ekki þurft, hönnun hans var klár hjá vegagerðinni og hefði verið hægt að byrja í fyrra. Það er það sem hefði átt að vaða í strax og halda svo áfram og enda hann sem 2+2 í sama vegstæðinu. Sparast hefðu stórir peningar og einhver mannslíf.

Engin tvöföldun í bráð

Það er oft gaman hjá strákunum.

Þetta er nú fínn endir á góðu föstudagskvöldi. Hann getur þakkað Guði fyrir það drengurinn að vera ekki í miðbænum í þessu ástandi. Þá er nú betra að fá sér kríu í skottinu í næsta bíl. Breytir engu þó hann viti ekki hvernig hann komst þangað, en allt á sér skýringar en þær eiga kannski ekki erindi í lögguna eða blöðin...

Fastur í skotti bifreiðar við Miklubraut

Hann Björgvin er langflottastur.

Það er ekki að efa það að hann Björgvin gerir grein fyrir hlutunum í Kína.

Gætann ekki líka reynt að ljúga nokkrar krónur inná þá í leiðinni, hann "Bubbi kóngur" var að hækka vextina svo hann getur boðið hæstu vexti í veröldinni? Að vísu verður hann að segja þeim að sjóðurinn gæti rýrnað hressilega á árinu, þrátt fyrir okurvextina, en hann verður að höfða til þess hvað við erum góðir vinir og hvað Bubbi og félagar tóku hressilega á Falun Gong um árið, (þegar hundarnir fengu fárið).

Kannski vilja þeir okkur í myntbandalag? það væri nú ekki ónýtt að skipta í "sjúur" með mynd af Maó og alles? Allt er betra en Flotkrónuræfillinn...

Viðskiptaráðherra fer til Kína í dag