Arsenalmenn í stuði.

Það verður ekki á þá logið seiglunni Arsenalmenn. Það er aldrei gefist upp, það er ekki að ástæðulausu að þetta lið er í toppbaráttu ár eftir ár, það er á hreinu. Ég var reyndar búinn að reikna með að þetta væri tapað í hálfleik. Hætti að horfa þar. Kem svo að tækinu aftur í leikslok og leikurinn unninn. Ótrúlegt, til hamingu með þetta Arsenalmenn það er hægt að taka ofan fyrir þessu...

Ótrúlegur sigur hjá Arsenal - Derby fallið

Þessi hefði ekki hitt fyrir löggu hér.

Það er "næsta víst", (eins og maðurinn segir) að hún hefði ekki þvælst fyrir honum löggan hérna á mínum slóðum. Það er nefnilega afar sjaldgæft að rekast á menn félaga "þvagleggs löggu" á þessu svæð, algerar undantekningar. þrisvar hef ég séð hér lögreglubíl það sem af er árinu, þetta er bara eins og fríríki hvað löggæslu varðar og það kann ekki góðri lukku að stýra, finnst flestum held ég. Við erum sem betur fer afar elsk að lögunum hérna. það er helst að laganna verðir nái kellingum beltislausum að skjótast milli húsa að morgni dags, jafnvel með símann, sem auðvitað er ekki gott....

Ölvaður á 194 km hraða

Afar góðar fréttir.

Scholes hefur lengi verið lykilmaður í þessu liði og er rosalega mikilvægt ef hann er að detta inn akkurat núna í toppformi. Ferguson fer ekki með neitt fleipur þarna frekar en fyrri daginn.

Alex Ferguson: Scholes mun leika lykilhlutverk á næstu vikum

Hann verður nú að klára söguna.

Það verður að finna dylgjunum einhvern stað, hann á nú ekki að komast upp með að sletta smjörklípum út og suður, tala í hálfkveðnum vísum og fótboltafrösum. Nú þarf hann að koma með eitthvað handfast um hvað hann er að tala, svo allir viti hverjum hann er að sneiða að, það getur enginn "seðlabankastjóri" leyft sér að tala í svona gátum.

Kannski þarf að fara að hleypa út af þessu pólitíska elliheimili og setja þarna inn menn sem hafa einhverja þekkingu á peningamálum?

Reynt að brjóta fjármálakerfið

Það er meira en heilbrigðisráðherra getur sagt.

Hann Guðlaugur Þórðarson hefur ákveðið að bakka upp hrokagikkinn Árna Mathiesen. Það er full ástæða til að vorkenna kallinum þá afstöðu því hún bendir til að hann sé ekki mikið betur á vegi staddur. Þessa síðustu ósvinnu á alls ekki að koma "gikknum" upp með og það þarf öll þjóðin að sameinast um að losna við óværuna Árna Mathiesen.

Það er álíka verðugt verkefni og þjóðarsáttin sem Bjarni Harðar er að kalla eftir.

Ber fullt traust til umboðsmanns Alþingis

Það þarf enginn að halda að hrokagikkurinn biðji afsökunar.

Aldeilis fráleitt að láta sér detta það í hug. Af einhverjum ástæðum er honum alveg nákvæmlega sama hvað fólki finnst um hans gerðir, sem að sjálfsögðu bendir til að hann sé búinn að finna annað starf. Það verður gaman að fylgjast með framhaldinu....

Telja að ráðherra eigi að biðja umboðsmann afsökunar

Það virðist alveg dagljóst Magnús.

Það eru langflestir á þeirri skoðun, að þetta sé vanhugsað skref varðandi samgöngur Eyjamanna, en Elliði og hans lið í Eyjum eru með þessa hugmynd á sinni könnu, þetta eða göng og ég get nú ekki séð hvernig því verður snúið núna á síðustu metrunum. Það er nú eitthvað sem hefði þurft að vinna í fyrir einum samgönguráðherra síðan eða svo. Allt komið á fulla ferð og það verða bara allir að dansa með.

Höfn í Bakkafjöru vanhugsuð

Þeir skemmta sér yfir þessu strákarnir.

En það er nú ekki öllum skemmt. Þó þarna sé verið að skrifa um fjármál landsins í gamansömum tón, þá er alvara undirliggjandi. Það er alveg ómögulegt annað en einhverjum fleirum en Samfylkingarfólki í ríkisstjórninni sé hætt að standa á sama um útganginn á "flotkrónuvesalingnum"

Er nú ekki gæfulegra að ganga til viðræðna við ESB á okkar forsendum en að verða tekin uppí skuld....:-)?

Íslandi bjargað!

Að sjálfsögðu er Vilhjálmur ósáttur.

Það getur hann svo sannarlega verið, bæði með það sem er þó svarað og það sem engin svör fást við. Það er t.a.m. með hreinum ólíkindum að hafa kostað öllu þessu til (um 791 milljón) við að undirbúa kaup á Inspired Gaming, alveg með hreinum ólíkindum að treysta sér til að leggja þetta fyrir hluthafana.

Það er vonandi að Vilhjálmur láti ekki deigan síga og haldi áfram baráttu sinni fyrir bættum hag minnihluta í hlutafélögum á Íslandi, sem er algerlega fyrir borð borinn í dag. Hann hefur örugglega breiðan stuðning í því máli, hvenær sem hann vill sækja sér hann.

Vilhjálmur ósáttur við svör FL Group

Hann forherðist nú stöðugt þessi larfur.

Það er óhætt að bóka það að úr þessum ranni fá menn ekkert annað en forherðingu og kjaftbrúk. Honum ferst að vera að gera mönnum upp skoðanir? Það hefði nú átt að vera hægt að klæma saman þessu bulli á styttri tíma en þessum vikum og skila af sér eitthvað fyrr en kortéri fyrir eindaga. En hann hefur alltaf komist upp með að haga sér eins og honum sýnist og gefa öllu langt nef í kringum sig. Það er með ólíkindum að Flokkurinn skuli ekki vera vandari að virðingu sinni en það, að bjóða þjóðinni uppá þessi vinnubrögð og bakka þau upp. Árna Mathiesen hefði átt að vera búið að losa þjóðina við úr ráðuneyti fyrir löngu, það er ekki svona mikill skortur á nothæfu fólki í Sjálfstæðisflokknum.

Ráðherra efast um hlutleysi umboðsmanns