Hann Hermann má vera stoltur af sínum leik.

Og það er full ástæða til að gleðjast með honum. Það verður hinsvegar ekki framhjá því litið að mun lakara liðið vann þennan leik. Því geta hinsvegar mínir menn bara nagað sín handabök yfir. Dómarinn auðvitað afar mistækur, en það átti ekki að gera gæfumuninn, þeir áttu að hafa þetta, meira að segja með hann á hælunum.

Til hamingju Hermann Hreiðarsson....

Hermann: Gríðarlega stoltur

Allur þessi farsi og vandræðagangur ætlar að enda vel.

Það er ekki annað að sjá en að vandræðagangurinn í kringum þessar Dash vélar hjá SAS ætli að enda með stórkostlegum bótum, sem auðvitað veitti ekki af, og gagngerri endurnýjun á flugflotanum. Þannig að fyrst þær slösuðu engan þá eru afleiðingarnar ágætar fyrir farþega framtíðarinnar í nýju vélunum.

SAS fær milljarða í skaðabætur

Það á ekki af þeim að ganga.

Þetta er ekki fyrsta óveðrið í vetur, þau hafa komið hvert á fætur öðru síðan í haust og varla að maður muni lægðagang þarna af þessu tagi, allavega ekki um langa tíð. Það er vonandi að þetta sleppi samt stóslysalaust að þessu sinni.

Óveður á Bretlandi

Ég sé það nú ekki alveg fyrir mér.

Það er nú afar snúið að ímynda sér Hæstaréttardómarana standa í kritum við almenning í fjölmiðlum við að reyna að gefa skýringar á dómum sínum. Mér er nær að halda að niðurstöðurnar, (og þá væntanlega lögin?) þurfi að færast nær heilbrigðri skynsemi og hugmyndum almennings um réttlæti. Hann Jón Steinar getur röflað sig hásan um þetta, en fólkið hefur allt of oft ekki trú á réttlætinu hans, sem er raunar undarlegt í sjálfu sér því hann er auðvitað góður lögmaður.

Vandamálið er að sjálfsögðu, að fólki finnst of mörg sæti dómara hafa gengið kaupum og sölum hjá stjórnmálaflokkum, og þá sérstaklega á síðustu árum og treystir ekki of vel vinum og vandamönnum seðlabankastjórans. Ekki alltaf vegna viðkomandi einstaklinga, heldur vegna vinnubragðanna við að velja þá til starfa....

Dómarar tjái sig opinberlega

Hann verður nú sennilega meira en leiður.

Það má mikið vera ef hann heldur djobbinu með þessu lagi. Það virðist allt ganga á afturfótunum hjá kallinum.

Avram Grant: Vonsvikinn og leiður

Sennilega er nú komið að því.

Já það má mikið vera ef það verður ekki stigið á skottið á þessari ófreskju núna. Landsvirkjun ætlar að þvinga stjórnvöld til óhæfuverka með því að neita um raforku í netþjóabú nema það komi frá virkjunum í neðri þjórsá. Það á einfaldlega ekki að líða þennan anskotans yfirgang.

Umhverfisráðherra heimsækir Sól á Suðurlandi

Alveg hroðaleg niðurstaða.

Úrslitin hefðu varla getað verið ósanngjarnari, sannarlega rán um hábjartan dag. Þrátt fyrir dómarann áttu mínir menn reyndar að vera búnir að klára leikinn, en svona er þetta bara, það getur allt skeð í fótbolta.

Portsmouth-menn vörðust reyndar vel, það verður ekki af þeim tekið, en úrslitin eru helvítis bömmer.....

Portsmouth sigraði Man Utd

Auðvitað getur allt gerst.

Það er engin spurning, Redknapp mætir þarna til að knýja fram sigur, en "kóngur vill sigla en byr hlýtur að ráða" og við verðum að vona að honum verði ekkert ágengt við þessi áform sín.

Redknapp: Getum vel komið á óvart og lagt United að velli

Nú þarf þessi tölvuóða þjóð að fara á netið...

Íslendingar hafa einhverntíman sest við tölvuna eða símann af minna tilefni svo nú þarf að taka á því til að styðja okkar mann...

Kosið um hljómplötu ársins á netinu

"Sugur" ekki í uppáhaldi hjá Norskum.

Nei það má ljóst vera að svona "peningasugur" eru ekki í uppáhaldi í Noregi, allavega ef þær fara ekki að reglunum. Reglur virðast strangar og skilyrðislaust fylgt eftir. Það hefur komið fram að gerðar voru athugasemdir oftar en einu sinni við vinnubrögðin og næst er starfsleyfið tekið. Svona á að standa að þessu, hvernig ætli samanburðurinn sé við skarann sem þrífst í þessu hér í fámenninu...?

Intrum Justitia berst fyrir starfsleyfi sínu í Noregi