Varla stórfrétt?

Þetta telst nú sennilega bara varla frétt, enda er maðurinn að ítreka margsagða tuggu. Það er hinsvegar á okkar enda sem þarf að vera til vilji, eins og maðurinn réttilega segir og hann hefur ekki verið til staðar enn sem komið er, allavega ekki hjá þeim sem með völdin fara, því miður.

Olli Rehn: Umsókn Íslendinga um aðild að ESB yrði fagnað

Athugasemdir

[Jóhann Elíasson, 17.7.2007 kl. 23:19]

Ég sé ekki betur en að við gerðum ekki betra en að ganga í ESB og að taka upp EVRU.  En það sem mælir á móti því er að þá misstu bankastjórar Seðlabankans vinnuna og LÍÚ fengi samkeppni um fiskimiðin.

[Hafsteinn Viðar Ásgeirsson, 17.7.2007 kl. 23:29]

Ég hallast að sama, losna við flotkrónuna og ákvarðanir Seðlabanka og þetta með fiskimiðin breytir engu lengur, eins og við höfum svo oft komið inná.

[Róbert Tómasson, 18.7.2007 kl. 00:21]

Sammála ykkur það eru ýmsar getgátur á lofti um það að við myndum tap þessu og tapa hinu með inngöngu, en ég held það kæmi aldrei í ljós nema hefja viðræður ég get ekki séð að það felist neinar skuldbindingar í því, það hlýtur að vera hægt að slíta þeim ef kostirnir eru ekki ásættanlegir.

[Sigurjón, 18.7.2007 kl. 03:40]

Kostirnir eru einfaldlega ljósir nú þegar.  ESB gefur engar undantekningar á skilyrðum fyrir aðild; aðeins aðlögunartíma.  Við höfum ekkert í þetta bjúrókratabandalag að gera.

[Hafsteinn Viðar Ásgeirsson, 18.7.2007 kl. 09:25]

Ég hugsa að Sigurjón viti álíka mikið um það og aðrir hvað er í þessum poka. Það þarf að setjast yfir það til að fá fram kostina og gallana, þar fyrir utan erum við nú þegar með 80% af þessu reglugerðafargani inni hérna, svo það er nú ekki úr háum söðli að detta.

Hvaða undantekningar frá skilyrðum ert þú að tala um sem eru okkur svo mikilvægir? Eru það LÍÚ blekkingarnar, sem flestir eru búnir að sjá í gegnum?