Hér er erfitt að ákveða...

....hvort menn vilja sterka krónu eða veika. Fyrrihluti fréttarinnar segir okkur að hagnaðurinn verður til vegna sterkrar krónu sem lækkar hinar gríðarlegu kvótaskuldir sem allar eru í erlendri mynt. Síðari hlutinn kennir kvótaniðurskurði og sterkri krónu um slæmar horfur...? Það er ekki auðvelt þetta líf...

Hagnaður Vinnslustöðvarinnar 1.116 milljónir króna

Athugasemdir

[Jóhann Elíasson, 25.7.2007 kl. 21:09]

Styrkur krónunnar er að ganga frá útflutningsgreinunum.  Hávaxtastefna Seðlabankans, sem er til þess ætluð að hafa áhrif á verbólgustig, skapar þessi vandamál sem við  erum að horfa uppá.   Hvort er mikilvægara fyrir landsmenn að verðbólga verði innan marka Seðlabankans eða að halda útflutningsgreinunum á lífi?  Það er ekki nóg að eiga "kvóta" það verður að selja afurðirnar úr landi.  Að sjálfsögðu væri það viturlegast að henda krónunni og taka upp EVRU og ganga í Evrópusambandið, en áður en væri búið að taka ákvörðun um slíkt yrði landið farið til andskotans og allt á heljarþröm.

[Hafsteinn Viðar Ásgeirsson, 25.7.2007 kl. 23:04]

Á síðasta ári var tapið tæpar 500 millur, sama tímabil, vegna þess að krónan veiktist og skuldirnar hækkuðu. En auðvitað er það ljóst að þessi sterka flotkróna er að ganga af útflutningsgreinum og ferðaþjónustu dauðum. Evruna strax.