Hann sér það ekki hann Keegan.

En það er nú mála sannast að það er ekkert í höfn fyrr en að loknum sigri á Vigan. Það er nefnilega ekki líklegt heldur að Chelsea sé neitt að fara að misstíga sig. Það þýðir einfaldlega að deildin vinnst á markamun, sem er nú ekki að gerast á hverju vori, man ekki til að það hafi gerst áður.

Kevin Keegan: Sé ekki að Man Utd misstígi sig

Athugasemdir

[keg (IP-tala skráð) 5.5.2008 kl. 21:12]

Fyrirgefðu að Chelsea-stuðningsmaður skuli ryðjast inn á netsvæði þitt. Það er bara til að minna á að Arsenal vann Liverpool á markamun, eða öllu heldur fleiri skoruðum mörkum (munurinn var sá sami) 1989 - þurfti að vinna Pool á Anfield 2:0 í síðustu umferð og gerði það. Michael Thomas, sem skoraði annað markið á síðustu mínútu leiksins, er goðsögn hjá Arsenalmönnum síðan. Hann lék svo með Liverpool frá 1991-1998 við góðan orðstír þótt ekki næði hann að vinna meistaratitil með þeim (frekar en aðrir á þeim tíma).

[Hafsteinn Viðar Ásgeirsson, 5.5.2008 kl. 21:26]

Takk fyrir þetta innlegg. Chelsea fólk er alltaf velkomið hér...

[Gísli Sigurðsson, 5.5.2008 kl. 21:46]

Hef séð að menn eru að tala um það á öðrum síðum að það ætti að spila aukaúrslitaleik um titilinn ef 2 lið eða væntanlega fleiri verða jöfn að stigum. Þessu er ég algjörlega ósammála. Þetta var gert hér á Íslandi fyrir mörgum árum, t.d. spiluðu Keflavík og ÍBV úrslitaleik um titilinn árið 1971 þar sem Keflavík(ÍBK) vann 4 - 0 sigur. Ég er ekki sammála þessari hugmynd þó hún sé notuð einhversstaðar. Annað liðið er búið að skora fleiri mörk og fá á sig færri mörk og er þeim markamun betra.

[Hafsteinn Viðar Ásgeirsson, 5.5.2008 kl. 21:58]

Sammála þér varðandi þetta atriði Gísli.