Ekki spurning Þorgerður.

Hafi einhverntíman verið hægt að réttlæta ferðalög ráðherra, þá þarf ráðherra íþróttamála að vera á svæðinu í framhaldinu. Líka vegna þess að hún þekkir vel til handboltans og veit hversu mikilvægt það er að gefa þeim allan þann stuðning sem mögulegt er.

Vonandi búin að bóka þau flug sem þarf nú þegar.

Íhugar að fara aftur út

Athugasemdir

[Linda Björk Jóhannsdóttir (IP-tala skráð) 20.8.2008 kl. 12:50]

Ég verð nú að segja fyrir mitt leyti að mér finnst þetta heimska á háu stigi að hún telji að nærvera hennar sé svona mikil á síðustu dögum mótsins.  Hún er líka menntamálaráðherra og ekki sá hún sér fært að vera á landinu þegar kjarabarátta kennara var í fyrra eða hitteðfyrra, nei þá áttu bara aðrir að sjá um málin.  Þoli ekki svona tvískinnung og finnst að ef hún vilji endilega styrkja strákana þá geti hún séð til þess að þeir fá styrk þegar þeir koma tilbaka að sömu upphæð og myndi kosta að senda hana út aftur.

Kveðja, ein brjáluð yfir því hvernig ráðherrar geta farið með almannafé!

[Linda Björk Jóhannsdóttir (IP-tala skráð) 20.8.2008 kl. 12:52]

Þetta átti að vera svona: 

Ég verð nú að segja fyrir mitt leyti að mér finnst þetta heimska á háu stigi að hún telji að nærvera hennar sé svona mikilvæg á síðustu dögum mótsins.