Neinn hefur forystu í verðhækkunum.

Þeir klikka ekki á því hjá Neinum, alltaf fremstir....þegar hækkar verðið. Ótrúlegt að þeir séu að borga sérstakt álag á dollara umfram önnur félög. En í fáum orðum sagt, sleppa að taka eldsneyti hjá Neinum og ekki þarf að tala um okrið á öðrum varningi þar.

Eldsneyti hækkar hjá N1

Athugasemdir

[haraldurhar, 11.11.2008 kl. 23:34]

Sæll Hafsteinn.

   Þú mátt ekki vera vondur við N1, en eins og þú veist keyptu þeir Olíufélagið eftir að búið var að strípa það innanfitunni er Sigurkarl  og Vilhjálmur voru búnir að safna, eftir stóð bara rekstur og goodwill, svo ekki er nema von að þeir þurfi að fá vel greitt fyrir benzínið.  Hef reyndar verið að undra mig á því undanfarnar vikur að Atlasolía hafi ekki keyrt niður verðið á eldsneyti.  Ætti að vera hægðarleikur fyrir þá að stórauka sölu.  Nú á sl. þremur mánuðum hefur tunnan farið úr 147 $ í 55.61 sem hún stendur í núna kl.23.33.  Er ekki allt samráð dautt hjá olíufél.?

[Hafsteinn Viðar Ásgeirsson, 11.11.2008 kl. 23:49]

Sæll sjálfur Haraldur.

Það er mikið rétt Haraldur, það var þarna góður fituforði eftir þá félaga þegar menn tóku til við að strípa félagið, en hún hefur ekki skilað miklu andlitslyftingin með nýja nafninu, það er allt á verri veginn og sennilega er þetta svona skuldsett?

[Haraldur Bjarnason, 12.11.2008 kl. 00:10]

Hafsteinn. Geir og félagar í ríkisstjórninni hafa verið að hvetja fyrirtæki til að hófstilla verðið og æða ekki upp úr öllu. Þar ættu nú að vera hæg heimatökin í þessu efni því Bjarni Benediktsson þingmaður Geirs er stjórnarformaður Neins. Hann rekur líka lögfræðistofu og situr á þingi. Greinilega er hagsmunagæslan meira virði í hans augum en þingmennskan.

[Hafsteinn Viðar Ásgeirsson, 12.11.2008 kl. 08:54]

Já Haraldur, Þeir skíta ekki með því skraufþurru þessir piltar og eru afar uppteknir víða í sínum rekstri. Samt er engu líkara en að hægri höndin viti ekkert hvað sú vinstri er að gaufa...... fyrir aftan bak, þegar kemur að hagsmunum almennings.