Hann hefur nú aldeilis efni á að vera óánægður.

Eða hitt þó heldur hann Bjarni Ben. Hann talar hreinlega eins og hann og hans fólk hafi skilið okkur eftir með einhvern slatta af valkostum? Held honum færi best að segja sem minnst, það kannski mundi virka eins og hann vissi eitthvað hverslags rosaleg klessa það er sem við sitjum uppi með. Svona þvaður virkar hreinlega eins og hann sé búinn að vera staðsettur á tunglinu um langt skeið.

Öll óvissa á kostnað Íslendinga

Athugasemdir

[hilmar jónsson, 6.6.2009 kl. 17:56]

Held að hann sé, líkt og aðrir sjálfstæðismenn staddur í ákveðnum líkamshluta, þar sem sólin skín ekki.

[Byltingarforinginn, 6.6.2009 kl. 19:33]

Já, það á lengi að mjólka það að sjálfstæðismenn hafa verið við völd. Hvað með allt sem hefur verið gott í þjóðfélagi okkar? Hugsa sér hræsnina hjá manni eins og Össuri sem sagðist vilja bjóða Obama í heimsókn og sýna honum hvað við höfum það gott, sýna honum velferðarkerfið og allt annað sem við höfum byggt upp... Á SL. 18 ÁRUM! Það var ekki Össur né hans hentistefnuflokkur sem gerði það.

ATHUGIÐ svo að það er m.a. lagaprófessor í evrópurétti við H.Í sem er á öndverðri skoðun við kvikindin sem núna skríða um stjórnarráðið. Það var hins vegar sjálfasti bankamálaráðherrann Björgvin G... sem var eins og blindur héri í háu ljósunum á miðri hraðbraut... sem gaggaði að það væru þjóðréttarlegar skuldbindingar Íslands og auðvitað myndum við borga. Fíflið atarna, segi ég. Hann hafði ekki hundsvit á því sem hann var að segja, frekar en aðrir þarna í Samfylkingunni. Það voru bara engar þjóðréttarlegar skuldbindingar! En hann hafði þó vit á því að segja af sér ráðherradómi þegar honum var ljóst að Samfó ætlaði sér að nota populismann og fara í stjórn með VG. Hann sagði af sér, stóð svo í miðju hruninu, burstaði rykið af öxlunum og sagði: Ég er búinn að axla mína ábyrgð, nú ætla ég að snúa mér að prófkjörsslagnum.

Hvenær ætli fólk fari að sjá að ákvarðanir þessarar hentistefnustjórnar eru á hennar ábyrgð, en ekki bara afleiðing sjálfstæðisflokksins? Hve lengi ætlar fólk að vera svona blint?

[Loftur Altice Þorsteinsson, 7.6.2009 kl. 00:25]

Ég fullyrði Hafsteinn að við eigum marga kosti í dag, sem við áttum ekki í desember 2008. Þetta bendi ég á í umræðum um bloggið mitt í dag.

Okkur liggur ekkert á að semja um Icesave reikningana og ættum að bíða eftir nýrri ríkisstjórn í Bretlandi. Bretsku Sossarnir eru okkar verstu andstæðingar og þarf svo sem ekki að koma á óvart, ef dæmt er af Íslendskum Sossum.

[sr (IP-tala skráð) 7.6.2009 kl. 00:29]

Magnað hvað BB finnst þetta ósangjarnt, að skuldareigandinn hafi bæði belti og axlarbönd. Eitthvað hljómar þetta samt kunnuglega fyrir skuldug heimili...

[Hafsteinn Viðar Ásgeirsson, 7.6.2009 kl. 09:03]

Og viltu meina Loftur, að við hefðum átt að láta málið danka þar til ný íhaldsstjórn hefði sest að völdum í bretlandi? Og hvað með Holland og þau mál sem sitja föst vegna þessa klúðurs?

[Sigurgeir Jónsson, 7.6.2009 kl. 09:18]

Kokhreystin er söm við sig hjá aftaníossum Samfylkingarinnar.Þeir segja, við getum borgað, það verður að eyða óvissunni.Eftir stendur að ekkert bendir til þess að við getum borgað nema selja landið. Fyrir hrunið söng þetta sama lið að það væri allt fullt af peningum og ríkið ætti að eyða þeim.Þetta síðasta afrek krataliðsins leiðir okkur beint í gálgann.

[Hafsteinn Viðar Ásgeirsson, 7.6.2009 kl. 09:43]

Ef þú átt við mig, þá segi ég alls ekkert að við getum borgað, ég meira að segja óttast mjög að það getum við ekki og það er meðal annars vegna vantrúar minnar á þessum skilanefndarlýð. Hinsvegar er ekki annar kostur í stöðunni en að semja um þessa klessu m.a. vegna yfirlýsinga Geirs og félaga á liðnu hausti.

[Loftur Altice Þorsteinsson, 7.6.2009 kl. 10:14]

Hafsteinn, það hefur verið mín skoðun allt frá í október, að taka eigi aðra stefnu í efnahagsmálum en stjórnvöld hafa fylgt. Segja má að það sé þver öfug stefna, að minnsta kosti í peningamálum. Ég vil taka upp "reglu-bundna peningastefnu" (rule-bound monetary policy) í stað þeirrar "torgreindu peningastefnu" (discretionary monetary policy) sem ríkir.

Hvað varða Icesave sérstaklega, á að fara með það mál fyrir dómstóla, meðal annars til að vinna tíma. Þetta mál er þess eðlis, að tíminn vinnur með okkur, þótt ekki sé annað að gert en tefja það. Það er rétt skilið að við eigum að bíða með afgreiðslu Icesave málsins, þar til íhaldsstjórnin hefur tekið við völdum. Ég hef það eftir öruggum heimildum, að sú stjórn muni taka málið allt öðrum tökum.

Ég hef fært rök fyrir því að þau mál sem eru föst vegna Icesave, séu þess eðlis að hægt sé að leysa þau eftir öðrum leiðum. Í raun rakna þau öll upp með því að taka upp nýja peningastefnu. Ráðaleysi stjórnvalda er með ólíkindum og þá er Þingvallastjórnin ekki undanskilin. Hvað Geir SAGÐI hefur ekkert með stöðuna núna að gera. Sossarnir reyna að afsaka landráð sín, með að hanga í svona fúaspottum.