Hann Árni bregst ekki.

Nei hann bregst ekki vinum sínum, LÍÚ hjörðinni. Enn heldur hann að þar sé hann að gera gagn, sem er auðvitað alrangt, en honum Árna hefur alltaf fundist betra að veifa röngu tré en öngvu...

Annars er hjörðin sú orðin svo fámenn og fer stöðugt fækkandi, svo hann getur hætt að eltast við þau atkvæðin, þau telja svo lítið.

Eigum ekkert erindi í hið nýja Sovét

Það sjá það auðvitað allir...

Segir Þorgerður Katrín um nauðsyn auka atkvæðagreiðslu. Þetta er auðvitað þvaður, eins og svo margt sem kemur frá FLokknum þessa dagana. Þau virðast hafa það eitt að markmiði nú um stundir að þvælast, kjaftrífandi, fyrir vinnandi fólki. Held það væri gagn í því að FLokkurinn lagaði sig til í andlitinu og hætti að þvælast fyrir vinnandi fólki. Hætti að virka verr en börn í sandkassa.

Klækjabrögð eða nauðsyn?

Mál til komið.

Það var mál að þeir kæmu með nýjungar hjá McLaren. Var nú farinn að halda að þeir ætluðu bara að afskrifa árið. Slæmt samt að koma ekki báðum bílunum í form en það virðist vera gagn að þessu.

Hamilton fær nýjungar en Kovalainen þarf að bíða

Skulda og skulda...?

Er það tilfellið að þeir félagar séu stórskuldugir Liverpúl? Ekki hef ég mikla trú á því, þeir gera þar af leiðandi örugglega það sem þeim finnst best fyrir sína framtíð. Liverpúl? Kannski? En ekkert öruggt með það fyrr en búið er að ganga frá því.

Benítez: Skulda Liverpool að halda kyrru fyrir

Þeir voru nú ekki fáir...

...sem gagnrýndu vinnubrögð einkavæðingarnefndar og grímulaust pot hennar fyrir ákveðna aðila, svo sem S hópinn og fleiri. En það var ekki vinsælt að gagnýna þessa dekurnefnd stjórnvalda undir forsæti Framsóknar. Nú súpum við seyðið af skepnuskapnum og það er ekki allt búið enn, það má ljóst vera.

Dýrt fyrir ríkið að selja banka

Það væri barnaskapur...

Að vanmeta það sem frá Villa kemur, hann veit lengra nefi sínu og er ekki vanur að fara með fleipur. Það væri enda ekkert undarlegt við það þó einum og einum mundi hitna í hamsi við svona gerning. Í hvernig formi "styrjöldin" yrði læt ég ósagt, en klárlega yrðu vandræði, það tel ég alveg víst að Villi hafi rétt fyrir sér um.

Varar við borgarastyrjöld

Allt eftir bókinni.

Á sama tíma og ufsi er vaðandi hreint um allan sjó, leggur Hafró til að dregið verði úr veiðunum. Það er nú alveg hætt að vera fyndið hvernig vitleysan veður uppi á þeim bænum, hafi það einhverntíman verið það. Held að það sé nú að verða alveg bráðnauðsynlegt að taka á vandanum sem þessi Guðs-volaða ríkisstofnun er að valda þjóðarbúinu. Nú höfum við engin efni á svona "dellumaki".

Mjög mikil ufsaveiði

En þeir "ábyrgu" vilja engin lán.

Er það ekki málið? Er ekki alveg ljóst að Sigmundur "ábyrgi" og hans sálufélagar ásamt "brunaliði" Sjálfgræðismanna vilja bara engin lán? Það er varla hægt að taka þeirra málflutning um að fella samninginn öðruvísi? Og það sem merkilegast er, að þjóðin sem margir vilja að verði látin kjósa um lán eða ekki lán virðist á sama máli, allavega rakast fylgi að ábyrgðarmönnum hrunsins í nýjustu könnunum, hreinlega eins og enginn verði morgundagurinn.

Væri það kannski heppilegast núna, ef menn vildu toppa vitleysuna, að fella samninginn og fá aðrar kosningar, (varla yrði önnur staða uppi, ekki færi þetta sama fólk til baka með samninginn?)

Norðurlönd settu skilyrðin

Vonandi klórar "óskabarnið" sig í gegnum þessar hremmingar.

Það væri mikill skaði ef þetta rótgróna og á margan hátt góða félag lenti undir. Ég reyndar óttast það ekki svo mjög, miðað við þessi viðbrögð kröfuhafanna, þó aldrei sé neitt öruggt í þessum bransa. Þarna er til staðar mikill mannauður, góður skipakostur og raunar allt til alls til að reka gott skipafélag. En þeir hafa talsvert á samviskunni sem eru búnir að koma félaginu í þessa stöðu með gríðarlegum skuldsetningum og endalausum fjáraustri úr áður gildum sjóðum félagsins.

Eimskip óskar eftir afskráningu

Hvað annað?

Hvernig dettur mönnum í hug að það sé verið að troða ofaní okkur einhverju öðru en gerist og gengur? Ef eitthvað er þá er þessi 7 ára aðlögun eitthvað sem ekki er á hverju strái sennilega og gerir þessa hörmung heldur bærilegri að komast í gegnum.

Skilmálar sambærilegir við það sem tíðkast