Verður það ekki bara að koma í ljós?

Það getur nú sennilega enginn sagt fyrir um það í dag. Er ekki líklegt að við verðum að sjá það að loknum 7 árunum hvað hefur fengist úr þessu Landsbankaslátri og taka þá á stöðunni? Vonandi verður gatið ekki okkur um megn, en það er bara ekki kostur í stöðunni að neita samningnum, eins og ráðamenn hafa margreynt að útmála fyrir okkur.

Getum staðið við Icesave

"Fjölmörg gögn eigi eftir að koma fram".

Það er engin hætta á öðru en að það séu til gögn því til stuðnings, að ekki hafi verið undan samningi vikist. Hvort hann hefði getað orðið betri en sá sem fyrir liggur er svo annar handleggur, það er eitthvað sem verður að trúa að menn hafi ekki getað komist lengra með? En það á trúlega eftir að þvæla málið aftur og fram og engin furða að fólk vilji skoða alla kanta á því.

Icesave-ábyrgð úr ríkisstjórn

Mogginn trúr eigendum sínum.

Það er ekki slegið af í áróðrinum fyrir nýja eigendur Mogga. Reynsla Íslensku þjóðarinnar er engu betri af kvótakerfinu hér á landi og gallinn við það er sá að það er smíðað af LÍÚ og þjóðin hefur látið það yfir sig ganga, þrátt fyrir að vera því andvíg. Við getum engum kennt um eins og Skotar þó geta.

Skelfileg reynsla Skota af fiskveiðistefnu ESB

Gáfulegt hænufet.

Það er ekki vafi á að þessi breyting er af hinu góða, við þær aðstæður sem hér ríkja. Það vantar meira af svona nýmælum frá bönkum og opinberum aðilum. Ekki mun af veita til að létta undir með fólki.

Landsbankinn fellir niður uppgreiðslugjald

Það er eins gott að þeir samþykki Icesave?

Það er hætt við að það verði ekki margar matarholurnar á alþjóðlegum lánamörkuðum til þessara lána ef við setjum okkur útí kuldan og neitum Icesave? Það ætti nú að fara að renna upp fyrir öllum hverslags risavandamál er hér verið að kljást við. Ef ekki er aðgengi að lánamörkuðum fer einfaldlega allt "á ís" í landinu og við verðum virkilega að éta það sem úti frýs. En þeir sem hæst hafa og raunverulega bera stóra ábyrgð á stöðunni ættu nú að hafa í sér þann manndóm að koma að borðinu með eitthvað annað en innantómt þvaður og upphrópanir.

950 milljarðar að láni

Var einhver í vafa þar um?

Ótrúlegt er það verð ég að segja. Við erum ekkert minna en svínbeygð og hafi það farið framhjá einhverjum þurfa þeir að opna augun. Þetta er auðvitað gasaleg staða en ekkert annað en að taka á henni eins og hún er og reyna að krafla sig í gegnum hana.

Svo er auðvitað hægt að leika aula og láta sem við hvorki vitum eða munum neitt og sjá hvert það getur dregið okkur, en gæfulegt er það nú ekki?

Sigruð þjóð

Allt eftir bókinni.

Það er ekki ótrúleg niðurstaða að þarna hafi hjörð af "færustu lögfræðingum landsins" samið af þjóðinni einhverja milljarða. Ekkert nýtt undir sólinni hvað það varðar og það á örugglega eftir að gerast oft á næstunni. Skilanefndir margnefndar virðast ekki hafa yfirsýn eða þekkingu á því sem þær eru að fást við, oft á tíðum. Þá liggur leiðin í hendurnar á þeim sem auðgast á okkar kostnað og þeir eru og verða ekki fáir.

Sjóvá gat fengið mun betra verð

Skynsemisraddir.

Þær eru til eftir allt moldviðrið og gasprið, ein og ein skynsemisrödd. Niðurstaða þessarar skýrslu er mjög í anda þess sem ég hef talið að við sætum uppi með. Ekki vegna þess að mér finnist það frábær leið fyrir landið að fara, heldur vegna þess að ekki stendur annað til boða. Að fara þá leið að hafna öllu og setja afturendann í Breta og Hollendinga er bara ekki í boði, ef ekki á að setja hér allt endanlega á hliðina og einangra landið að mestu. Þeir sem fyrir því tala eru reyndar ekki með neinar raunverulegar eða færar leiðir útúr þessum gríðarlegu vandamálum sem Icesave hefur fært Íslensku samfélagi.

Hagstæð ákvæði Icesave

Illur fengur illa forgengur.....

Það er ekki flókið þetta góða og gagnmerka máltæki og hér ætlar það að sannast enn eina ferðina. Vonandi verður ekkert lát þar á og að IE, sem þessir larfar sölsuðu undir sig með bolabrögðum komist sem fyrst í hendurnar á heiðvirðum eigendum, innlendum eða erlendum, breytir engu.

NTH á leiðinni í þrot

Gróðrarstía fyrir svindl.

Það segir sig sjálft, að allir sem vettlingi geta valdið reyna að fara í kringum svona regluverk. Margir sem hafa möguleika á að fá fleiri krónur fyrir pundin sín og evrurnar en fæst í banka á Íslandi gera það, það er eins víst og að dagur fylgir nóttu. Spurning hvort einhverjar leiðir eru mögulegar til að bregðast við, en þessi leki verður aldrei alveg stöðvaður.

Alónýt flotkróna hefur verið og verður alltaf leið til að svína peninga útúr þeim sem ekki hafa möguleika á að snúa á ruglið. Henni þarf að koma fyrir kattarnef og það þó fyrr hefði verið.

Fara framhjá gjaldeyrishöftum