Ótrúlega heimskulegur samanburður í "frétt".

Það er mjög erfitt að átta sig á hvaða tilgangi svona samanburður þjónar. Í þessu fyrirtæki er margt manna með mjög há laun, bæði haugur af stjórnendum og síðan áhafnir skipanna. Það er ekki auðvelt að gera sér grein fyrir tilgangi svona uppskrúfaðrar "dellufréttar"...?

Meðalárslaun tíu milljónir

Heim fyrir páska?

Það er nú ekki ofverkið þeirra að sitja þarna yfir páskana? Þau hafa nú ekki nema gott af því að vaka eins og eina vorvertíð? Stór hluti af þessu liði er þar á ofan að fara í mjög langt frí, með kaup í marga mánuði, svo það ætti allavega að geta hvílt sig eftir kjaftabullið í þingsölum. Þetta er svo sem ekki í fyrsta skipti sem fólki virðist lítið koma útúr því sem bullað er á þessum vinnustað.

Þing líklega eftir páska

Fjórflokkur hvað.

Ég sé nú ekki betur en að það sé verið að refsa bæði framsókn og íhaldi og það með réttu. Þetta eru þeir sem bera á þessu alla ábyrgð, raunar mjög undarlegt hvað hangir á þessum lufsum af fylgi. Bjarni er hinsvegar hengdur við upprunann og það með réttu og sennilega er hann að hífa í þá með því að pakka saman, því þetta framboð hefur bara verið að hengja utaná sig fylgi óánægðra frammara.

Hættir við þingframboð

"Brunaliðsmaður"

Ef það reynist vera fótur fyrir þessum grun, þá telst maðurinn vera í Brunaliðinu í Eyjum en ekki Slökkviliðinu.

Slökkviliðsmaður grunaður um íkveikjuna í Eyjum

Það ætlar sér nú sennilega enginn að drepast.

Hvorki menn eða fyrirtæki. En það er eins og fyrri daginn að "kóngur vill sigla en byr hlýtur að ráða". það telst sennilega hver góður með sig í þessum bransa sem heldur haus hvern mánuðinn. Það er reyndar ótrúlegt að það lifi allir af þetta samdráttarskeið, því það er sko langt í frá á enda, allavega hvað sölu bíla varðar.

Ætlum okkur að lifa af

Vitleysan veður uppi.

Það verður ekki logið á þetta bankakerfi ríkisins. Það er endalaust hægt að bæta kárínum á fólk og enginn fær rönd við reist. Nú henda þeir kúnnunum úr SPRON á milli sín og fólk veit ekki sitt rjúkandi ráð. Ekki yrði ég hissa þó flestir færu varanlega til baka til SPRON

Útlán SPRON færð til skilanefndar í nótt

Þetta er góður áfangi.

En það er rannsóknarefni, hvernig á því stendur að nú voru allir með frumvarpinu sem á annað borð voru í vinnunni en þetta frumvarp er Lúðvík búinn að flytja ásamt fleirum í mörg ár, hverju þinginu á eftir öðru án árangurs. Kannski er kosningaskjálfti í liðinu, allavega eru allir í því að kaupa sér velvild gjaldþrota almennings.

Greiðsluaðlögun komin í gegnum þingið

Skelfileg útkoma.

Og svo sem ekki von á neinu öðru. Þarna fá ræflarnir sem ekki hafa einusinni trygga lífeyrissjóði  enn einn pakkann til að borga í gegnum ríkissjóð.

Það er nú alveg að verða tímabært að taka þetta handónýta kerfi fjölmargra sjóða og koma yfir þetta lögum sem færa alla landsmenn að sama borði hvað lífeyrisréttindi varðar, um leið og losað yrði um einhver hundruð stjórnarsæta og fjölda sjálftökufursta í formi einhvera sjóðsstjóra. Hver getur haldið því fram af einhverri sanngirni að þessi örþjóð, eða ráðamenn hennar, geti leyft sér að fara svona með lífeyrissjóði þegnanna?

Raunávöxtun LSR var neikvæð um 25,3% í fyrra

Hann gengur alveg á öllum hann Móri.

Það er auðvitað alveg laukrétt hjá kallinum "hver segir nei við ManUtd?". Það væri heldur ekkert undarlegt við það að hann hefði þarna möguleika, hann hefur sýnt að hann er toppmaður á sínu sviði og það er það sem kemur í stað Sir Alex þegar hann pakkar saman. það er bara ekki að sjá að hann sé neitt á förum í bili. 

Mourinho: Hver segir nei við United?

Undarleg vinnubrögð.

Það hefði nú einhver haldið að forstjóri Vinnslustöðvarinnar hefði öðrum hnöppum að hneppa en að leggjast í rannsóknir til að hrekja tölur útgefnar af Seðlabankanum? Hvar ætli þessi vinna og blaðrið sem henni fylgir komi að tekjuöflun fyrirtækisins? Það er eitthvað sem hangir á þessari spýtu hjá sægreifanum, umræðan þessa dagana er eitthvað farin að pirra þessi 62% sem reyndar telur bara nokkur fyrirtæki. "Guð láti gott á vita", eins og kellingin sagði, vonandi getur umræðan eitthvað meira af sér en pirring, það er mál til komið.

Telur skuldirnar ofmældar