Hann Dagur er gríðarlega öflugur.

Framtíðar leiðtogi, ekki nokkur vafi. Það er hinsvegar Árni líka svo valið hefur ekki verið auðvelt, en það hefur tekist vel til. Það er örugglega rétt mat líka, að það sé heppilegt að vera með mann úr sveitarstjórnarpólitíkinni þarna í forystu, verandi með kosningar á þeim vettvangi að ári. Svo það er ástæða til að óska Samfylkingunni til hamingju með niðurstöðuna, þetta er efnilegt lið sem talar mannamál.

Tengir ríki og sveitastjórn

Er virkilega einhver undrandi á endasprettinum?

Illa trúi ég að nokkur maður undrist skítkastið úr þessari átt. Það er langt síðan allar vísbendingar urðu um að manninum væri ekki sjálfrátt í frekjunni og yfirganginum gagnvart þessum samherjum sínum. En alltaf stendur skarinn og klappar fyrir spekinni og mun gera svo lengi sem þessi "Guðlega persóna" lætur svo lítið að láta sjá sig einhversstaðar.

Vilhjálmur: Ómakleg ummæli

"Fólki sem ég ræddi við sá að mér var brugðið"

Ha,ha, hvaða endemis rugl er þetta? Hvað vigtar það hér að einhverju "fólki sá að henni var brugðið"? Var ekki búið að tjá konunni að framboðsvinna þýddi starfslok? Það er nú meira en lítill tregi að verða svo rosalega hissa og brugðið í framhaldinu. Undarlega illa tregur lögfræðingur þetta.

Leit á þátttöku sem uppsögn

Aldeilis ótrúlegt.

Það er með ólíkindum að lesa ræpuna sem hinir ýmsu íhaldspjakkar eru að senda frá sér um þetta mál. Það er ekki auðvelt að sjá hvernig Gylfi Magnússon átti að ganga í það sem stjórn fyrirtækisins átti að vera löngu búin að gera þ.e. að gera fólkinu sínu grein fyrir að það væri ekki von á öðru en að þeir væru að fara í þrot. Auðvitað er þessi hörmung öll á ábyrgð stjórnenda Spron, annað er hreint rugl og umsnúningur á staðreyndum.

Tilfinningaríkur fundur

Einari slakað útbyrðis.

Það má ljóst vera að hann Einar er ekki í náðinni hjá kjósendum í NV og kannski ekkert undarlegt við það. Það hefur einhvernveginn tekist, þrátt fyrir það sem hann var að boða fyrir margt löngu þ.e. að hann mundi ekki geta stutt ríkisstjórn sem ekki breytti kvótaskepnuskapnum, að gera hann að holdgervingi vitleysunnar og það á auðvitað að hegna mönnum sem segja ítrekað ósatt, þó fyrr hefði verið. 

Það er hinsvegar jafn víst að hann Ásbjörn er ekki líklegur til að koma með ný útspil í þeim málum. 

Ásbjörn vann baráttuna við Einar

Þetta er glæsilegt.

Og ástæða til að óska Færeyingum til hamingju með sigurinn.

Fyrsta tap Íslendinga gegn Færeyingum

Gríðarlega öflugur.

Það er örugglega mikill skaði fyrir þjóðina að Ármann þessi skuli ekki hafa hlotið náð fyrir augum hennar. Þetta síðasta útspil sannar það svo ekki verður um villst að hann hefði átt að vera þarna í forsvari, maðurinn er Risi í hugsun og vill allt eða ekkert, akkúrat það sem við þurfum, synd og skömm að fá ekki notið krafta hans meir, en ég óttast nú að hann hafi ekki sagt sitt síðasta....

Ármann gefur ekki kost á sér

Himinhrópandi bjartsýni.

Það verður ekki annað sagt en að hann er bjartsýnn hann Kristján þessi. Eða hvað er svosem annað hægt að kalla þetta? Vanmat á aðstæðum, eða hreinan aulagang? Hann þarf ekki að halda að þarna hafi hann neitt erindi og ég held að flokkurinn hefði ekkert gagn af honum heldur í þessu starfi. En þessi della heldur einhverri umræðu gangandi og það er kannski tilgangurinn, að vera í umræðunni fyrir heimsku sakir fremur en alls ekki, eins og Steingrímur Hermannsson spilaði úr spilunum.

Annars hefði það hæft vel, að fá þarna kvótagreifa frá Máa í Samherja, Flokkurinn hefði þá komið til dyranna eins og hann er.

Kristján Þór í formannskjör

Framkvæmdanefnd um einkavinavæðingu.

Það verður fróðlegt að sjá hvað kemur í dagsljósið þegar farið verður að birta þennan hroða. Ekki að það sé von á einhverju sem allir með sæmilega opin skilningarvit hafa ekki gert sér grein fyrir, en það kemur væntanlega staðfesting á ýmsu skrautlegu varðandi málið.

Vildu ekki selja Samson

Þarna eru hlutirnir að gerast.

Hann þvagleggur sækir mál af krafti og ekkert er til sparað. Hann hefur ekki alltaf sigur og er reyndar oftar en ekki skemmtiefni manna þar um slóðir, en það verða allir að hafa sitt fífl.

Sýknaður af ákæru um að hafa reykspólað á Selfossi