Set spurningamerki.

Ég ætla að leyfa mér að setja stórt spurningamerki við yfirlýsingar Geirs Harða. Oftar en ekki er hann að tala gegn betri vitund, segir það sem hann heldur að lýðurinn vilji heyra, eða þegir um hlutina, sem auðvitað er það illskársta.

Það er hinsvegar alveg augljóst að Þorgerður Katrín er meira fyrir að tala mannamál og virðist ekki vera mikið fyrir að segja ósatt, allavega ekki af ráðnum hug.

Setur spurningamerki við spá Seðlabankans

Það var mikið að kviknaði smátýra.

Það hefur nú kostað smá pressu frá almenningi og fjölmiðlum að fá fram þessi viðbrögð. En batnandi mönnum er best að lifa og Bogi er maður að meiri fyrir bragðið. Það er raunar nokkuð ljóst, að það er enginn mannskapur í þessa skoðun hér á landi og alger nauðsyn að fá sérfræðiþekkingu erlendis frá til að annast málið.

Bogi Nilsson hættir

Hækkar um 3% já?

Það er ekkert annað, á sama tíma og krónan er í frjálsu falli er verð til sjómanna hækkað um 3%, í Íslenskri flotkrónu. Sjómenn eru nú svo sem ekki óvanir að vera teknir í það ósmurt af þessum lýð og alltaf halda þeir kjafti, eins og ekkert sé. Það er nú meira langlundargeðið þetta...?

Fiskverð hækkar um 3%

Gríðarlega flottur Hamilton.

Og vel að þessum titli kominn. Það stóð glöggt og ég man ekki eftir að hafa séð eins niðurlútan og ræfilslegan sigurvegara eins og Brassan smámælta, en hann stóð sig vel í dag og gerði allt eftir bókinni, en það var bara ekki nóg.

Hamilton heimsmeistari

Ekki slorleg auglýsing.

Eða hitt þó heldur, það er ekkert lát á afleitri umfjöllun um Ísland um allan heim, það er spurning hvenær ósköpunum linnir, en örugglega ekki meðan þeir sem bera ábyrgð á ruglinu komast upp með að gefa umheiminum langt nef.

Mótmæli vekja athygli

Davíð getur ekki starfað í umboði annars en Sjálfstæðisflokks.

Það er algerlega útilokað að neinn annar geti tekið á honum ábyrgð. Hann var enda ráðinn inn af sínum flokki og Framsókn, enda Guðni afar ánægður með hann, en mun vera einn um það í sínum flokki að vera sáttur við larfinn.

Kannski að DO verði nú til að boðað verði til kosninga í vetur, ekki kæmi það á óvart

Samfylking afneitar Davíð

Karlhróið.

Honum er nú pínulítil vorkunn karlskepnunni, hann situr þarna, algerlega innisnjóaður, og veit ekki sitt rjúkandi ráð. Það verður hinsvegar að segjast eins og er, að þennan forgrip með hernaðartilburði höfum við ekkert við að gera, þannig að minnsta krafa er .....af með BB og Halla ríkissjóðs, það er ekkert pláss fyir hvorugan þeirra.

Ríkisstjórn og seðlabanki verða að ganga í takt

Það geta allir verið sammála um það.

En nú er það búið, í bili að minnsta kosti. Chelski lauk þeirri göngu og vonandi gera mínir menn engin mistök í dag.

En það hefur verið gaman að fylgjast með hvernig Hullarar hafa spilað sig í gegnum byrjunina í úrvalsdeildinni.

Ferguson: Ótrúlegt gengi hjá Hull

Vill fá krónuna í frjálst fall.

Það er engum blöðum um það að fletta, maðurinn vill að flotkrónuræfillinn fari áfram niður í frjálsu falli. Ef það er þannig að menn telji vaxtahækkun einu vörnina gegn slíkri uppákomu, er ekki hægt að draga aðrar ályktanir af ummælunum.

Og svo vill hann meiri kvóta, þar kom að því að Líú hætti að mæra Hafró og allt það þvaður sem þaðan kemur. En varla er það nú trúverðugt hjá Líú, að trúa einn daginn öllu sem frá Hafró kemur, en ekki þann næsta.

LÍÚ óskar eftir meiri kvóta

Ætla nú að leyfa mér að fullyrða...

....að þessi piltur viti nú ekki andskoti mikið um það hvað sjómenn eru að hugsa og enganveginn er hann fær um að gæta hagsmuna þeirra. En hann veit örugglega allt um hvaða skoðun Líú hefur á málinu, enda örugglega meira samband þangað en út á sjó.

Sjómenn enn andvígir ESB-aðild