Besta fiskveiðikerfi í heimi að gefa sig?

Nei varla, ekki meðan bankarnir hafa aura til að halda því uppi með "handafli". Ég get hinsvegar alveg séð fyrir mér að þar gætu orðið svona "dómínó-áhrif" eins og skeði í hlutabréfunum í fyrra.

Ef of mikið magn kemur til sölu, vegna þess að kreppir að og/eða menn hafa ekki nægar heimildir til að halda út á leigukvót, enginn finnst kaupandinn vegna þess að bankar eru lokaðir, það verður að lækka verðið til að koma þessu út og þá byrja allt að hrynja eins og dómínó.

Það verður veðkall hjá þeim skuldugustu fyrst og svo fjölgar þeim og alltaf lækkar verðið, eða gjaldþrotum fjölgar vegna þess að ekkert selst. Greinin er svo rosalega skuldsett og á bakvið þær skuldir er ekkert nema kvótinn, sem þeir eiga ekki einu sinni.

Ég er ekki að segja að þetta sé í pípunum á næstu dögum, en ég held það þurfi ótrúlega lítið til að rúlla svona þróun í gang. Því er nú ver og miður, fyrir allt of marga.

Nýtt fiskveiðiár mörgum erfitt

Neinn segir upp.

Auðvitað minnkar eitthvað umstangið í okursjoppum þeirra um landið, svo það þarf að fækka fólki. Það segir sig sjálft að það er ekki endalaust hægt að smyrja ofaná verðið og alls ekki eins og nú horfir. sennilega er þetta bara byrjunin í uppsögnum þarna.

Uppsagnir hjá N1

Hann er þó að segja fólki sannleikan.

Það er eitthvað annað en hér á landi, hvar ráðamenn keppast við að segja okkur að allt sé í þessu fína. Drottningarviðtalið við ISG í Viðskiptablaðinu í gær var með fyrirsögn um að hér væri sko engin kreppa. Ég er voða hræddur um að hún eigi eftir að þurfa að éta það ofaní sig, ef hún millilendir hérna einhverntíman kerlingin. 

Verstu efnahagsaðstæður í 60 ár

Hann er okkur til sóma hann Vésteinn.

Og ekki í fyrsta skiptið. Hann hefur náð frábærum árangri í þjálfuninni auk þess að vera í fremstu röð íþróttamanna sjálfur, þó ekki færi hann á pall á OL. Frábær íþróttamaður sem lengi hefur verið góð fyrirmynd ungu fólki og verður örugglega áfram.

Vel tekið á móti Kanter og Vésteini

Kjöftugum ratast satt á munn.

Og alveg ábyggilega getur ástandið ekki orðið verra en það er, þó að hann leggi eitthvað til málanna. Þessi endemis þvæla sem Haarde og hinir ferðalangarnir eru að framleiða verður bara að taka einhvern endi. Rauður verður bara að berja bumbur og æsa lýðinn, fólk verður bara að skilja að það er vá fyrir dyrum.

Nota bene hún er á Íslandi en ekki í Búlgaríu eða hvar í andskotanum þetta lið er að frílista sig núna, bullandi um að hér sé bara allt í fína, allavega engin kreppa.

„Menn komi sér að verki“

Hver þekkir ekki svona dæmi.

Þetta teljast nú varla fréttir hérlendis hvar menn hafa verið að bulla á milli tegunda og mála allar götur síðan kvótabullið var sett á . Þorskur í ýsu, ýsa í lýsu o.s.frv o.s.frv. það er hægt að telja endalaust.

Sænskir sjómenn ákærðir

Þessu vaxtastigi stendur enginn rekstur undir.

Nema kannski eiturlyfjadreifing. Olíufélögin eru þó í þeirri sömu aðstöðu, það er bara öllu sullinu dreift yfir neitendur sem láta allt yfir sig ganga, enda afar sundraður hópur hér á landi. 

En vissulega er það laukrétt hjá Olís, stjórnleysið í fjármálunum hér, með vaxtaokri sem óþekkt er meðal siðaðra og öllum pakkanum er nú ekki til að bæta neitt.

Það er engin ástæða til að hafa neinar áhyggjur af afkomu olíufélaganna, það eru hinsvegar margir sem ekki geta þvælt vöxtunum á bakið á neinum og þeir verða ekki í mjög góðum málum ef fram heldur sem horfir.

Olíuverzlun Íslands gagnrýnir stjórnvöld

Það var nú ekki mjög flókið eða erfitt val trúi ég..?

Hann Ronaldo átti stórkostlegt tímabil í fyrra, ekkert minna en það og nú þarf kappinn að láta sér batna svo hann geti farið að vinna fullum fetum að næstu titlum. Sjálfsagt verður hann sama augnakonfektið og í fyrra þegar hann fer á skrið aftur.

Ronaldo bestur í Meistaradeildinni

Mér finnst þetta ágætt.

Ég er guðs lifandi feginn að þurfa ekki að vera að klofa yfir fulla forstofu af þessum sneplum þegar komið er heim eftir einhverja fjarveru. Það eru ekki nema nokkur skref í bunka af Fréttablaðinu og Blaðrinu og Mogga þarf ekkert að lesa nema af netinu....hið besta mál. 

Breytingar á dreifingu Fréttablaðsins

Sennilega bara byrjunin.

Því er nú fjandans ver að þetta á trúlega eftir að verða miklu verra þegar kemur fram á veturinn, svo það er eins gott að búa sig undir það. 

Pósthúsið og Ístak segja upp fólki