Hann slær ekki vindhögginn hann Þráinn.

Það er óhætt að segja að hann Þráinn Bertelson hittir naglann á höfuðið í "bakþönkum" í morgun. Frábær pistill sem enginn ætti að láta fram hjá sér fara. Því til áherslu birti ég hann hér.

"Óheppileg umræða!

"Mikil opinber umræða getur verið óheppileg, skapað óraunhæfar væntingar og þar með haft neikvæð áhrif." Geir H. Haarde, formaður Flokksins og forsætisráðherra Íslands, á fundi með Samtökum atvinnulífsins 18. apríl 2008.

Þessi "sakleysislegu" viðvörunarorð benda ótvírætt til þess að það hafi farið fram hjá þessum forsætisráðherra sem vill sveipa aðgerða- og ráðleysi sitt dulúð, að vestrænt lýðræði og stjórnarskrár allra lýðræðisríkja byggja á einum og sama hornsteini: Sá hornsteinn sem öll hin sameiginlega velferð okkar byggist á heitir TJÁNINGARFRELSI. Opinber umræða getur vissulega verið óheppileg, jafnvel banvæn, fyrir óhæf stjórnvöld en hún er undirstaða velferðar almennings. Á því grundvallaratriði að það sé best fyrir heildina að allir hafi óheftan rétt til að tjá sig hvílir þjóðfélagsgerð okkar. Allt annað í stjórnarskrá okkar leiðir af þessu atriði.

Það er ógnvekjandi tilhugsun að skilningur á því sem stjórnarskrá lýðveldisins byggist á skuli ekki hafa náð inn í höfuðkúpuna á þessum forsætisráðherra - heldur. Fyrirrennari hans sem nú er seðlabankastjóri - ekki í Simbabve heldur á Íslandi - vildi setja fornaldarlög um fjölmiðla svo að þeir trufluðu ekki "stjórnvöld" í sinni djúpu hugleiðslu um hagsmunagæslu og samtryggingu útvalinna. Þessi vill ganga feti framar og biðst undan hinum neikvæðu áhrifum sem kunna að vera fylgifiskur mikillar og líflegrar opinberrar umræðu.

Ég held að þetta sé skuggalegasta yfirlýsing sem ég hef séð koma frá íslenskum stjórnmálamanni á síðustu áratugum. Þó hef ég fylgst með fjölmiðlafrumvarpi, uppbyggingu greiningardeilda og stofnun sérsveita. Ég hef heyrt og séð menn réttlæta fasískar lögregluaðgerðir gegn kínverska andófs- og heilsuræktarhópnum Falun Gong. Og síðast en ekki síst hef ég ásamt með þjóðinni fylgst með hinum þrákelknislegu yfirlýsingum varaformanns Flokksins um að hún ætli "víst og samt" á Ólympíuleikana í Peking hvað sem tautar og raular og hvað sem líður Tíbet, lýðræði og mannréttindum - sem hún segist vera búin að ræða nægilega oft við Kínverja.

Þekkir valdhrokinn engin takmörk lengur? Hvað er eiginlega í gangi hérna?"

Eitthvað sem flestir hafa á tilfinningunni.

Útkoman í þessari könnun er nú eitthvað sem flestir hafa á tilfinningunni. En er það nokkuð sem stjórnmálamenn þurfa að gera eitthvað með? Alls ekki víst að svo sé, ef við skoðum t.d. fylgi þjóðarinnar við kvótakerfi þeirra félaga Framsóknar og andskotans, þá sjáum við samfellda andstöðu við það nánast frá upphafi sem enginn virðist gera neitt með. Það m.ö.o. virkar ekki lýðræðið þegar kemur að svona málum, fólk hefur á því ákveðna skoðun en þegar kemur í kjörklefann þá kýs það eins og pabbi og afi og allir í kringum það gerðu. Þannig að mér er nær að halda að Davíð haldi áfram að fá sínu framgengt varðandi Evrópusambandið og þessi guðsvolaða þjóð fái að borga af því herkostnaðinn enn um sinn.

67,8 vilja hefja undirbúning aðildarumsóknar

"Er eðlilegt að litið sé til þeirra um forystu"

Það er með hreinum ólíkindum að lesa þessa steypu hafða eftir Birni Bjarnasyni. Er manninum ekki sjálfrátt eða hefur hann ekki verið að fylgjast með að undanförnu? Honum eru ráðlagðir heitir bakstrar og að loka á sért kjaftinum um tíma, það er klárlega stórmál........

Haldið áfram á ógæfubraut

Veit ekki hvort nefndinni þessari ber að "þakka"

Það væri gaman að vita hvort nefndin sem er svo ánægð með verkin sín ber ábyrgð á því að löggæsla hefur verið aflögð í Þorlákshöfn? Eða eigum við bara að þakka Þvaglegg beint? Er hann sökudólgurinn?

Lögregluumdæmi stækki

Guð láti gott á vita.

Það er svosem hægt að kalla þetta örríki með skuldasúpu og flotkrónu ýmsum nöfnum. En það er voða gott að hann skuli hafa munað eftir að taka pillurnar sínar í morgun kallinn, vonandi dettur hann niðurá eitthvað fleira en svona grobb.

Ein ríkasta þjóð í heimi tekur ekki einhliða upp mynt annarrar þjóðar

Góður dagur á Old Trafford.

Það verður að segjast að það er ekki alveg ónýtt að landa svona gjörningum á sama deginum. Auk þess sem það eru stórfréttir að Vidic skuli vera kominn á ferðina aftur. Nú er þeim ekkert að vanbúnaði að landa eins og tveim dollum... ...sennilega samt skynsamlegt að geyma öll fagnaðarlæti þar til síðar...

Þrír leikmenn Man Utd skrifuðu undir nýja samninga

Og hvar er borgarstjórinn?

Heyrði í fréttum áðan að ekki næst í Láfa litla til að fá hans hlið á málunum. Kannski eins gott ef hann hefur ekkert meira til málanna að leggja en í kastljósinu í gærkvöldi. En það er ljóst af fregnum í dag og í gær, að lengi er hægt að vinda uppá ruglið í borg óttans.

Tekist á um sölu á REI?

Ótrúlegir rugludallar.

Og ekki skemma þeir það Gísli Marteinn og að ekki sé nú talað um borgarstjórann. Er að horfa á Kastljós hvar Láfi greyið er að reyna að segja okkur að þeir séu alveg sammála allir þrír þó þeir tali allir í kross. Aldeilis ótrúlegir pappakassar.

Segir hringalandahátt setja orkuútrásina í hættu

Við getum alveg tekið við tapi Chelsea.

Það tekur bara af okkur meiri pressu og hægt að snúa sér betur að því að klára meistaradeildina.... Áfram Everton.....

Tekst Chelsea að saxa á forskot Man Utd?

Þó flestir sjái vitleysuna.

Þá er þetta einfaldlega allt of seint fram komið. Ég segi það enn og aftur; hvar var allt þetta fólk þegar var verið að berja frumvarp um þessa ráðstöfun í gegnum þingið? Nú verður bara að krossa fingur og vona það besta. Vonandi verður þetta ekki eins galið og þeir svartsýnustu telja uppá, en klárlega verður þetta alltaf næstbesti kosturinn, allavega fyrir eyjamenn og sennilega líka fyrir þá sem borga þennan herleiðangur.

Of seint segir ráðherra