"Guð láti gott á vita"

Eins og einhver sagði. Það væri nú kannski mál að eitthvað annað en endalaust kjaftæði og skvaldur kæmi útúr margfrægum samningi Ölfuss og OR, í kjölfar gjafar Ölfuss á hitaveitu sveitarfélagsins til OR um árið. Hingað til hefur samningur þessi ekkert gefið af sér hér nema vandræði og stórkostleg útlát og skaða. Eins og feigingarævintýrið sem stendur hér eftir gjaldþrota engum til gagns, án þess að fara nokkurntíman í gang en bæði OR og Ölfus búin að moka peningum til.

Ég ætla rétt að vona að hér sé eitthvað gáfulegra á ferðinni en áðurnefnt, eða álgarður, álbræðsla, risarækjur eða hvað þetta hefur nú heitið allt saman.... fyrir kosningar.

Múturgreiðslan, (eða hluti hennar) lýsing Þrengslavegar, mun hinsvegar vera að komast á framkvæmdastig, er mér tjáð af margfróðum í innsta hring. Kætir það að sjálfsögðu einhverja. Betra seint en aldrei.

Ný kísilvinnsla í Þorlákshöfn

Ekkert má nú.

Það er magnað þetta, ætli það megi ekki skýra viðbrögðin eins og Aldís segir, að þeir séu óvanir að sjá konubrjóst í Hveragerði og hrökkva eðlilega við....

Bannað að bera brjóstin í Hveró

Það er ljótt að ráðast á minni máttar.

Ferrarimenn eiga verulega bágt eftir helgina, það verður ekki annað sagt, enda rakkaðir niður af pressunni heima fyrir. Auðvitað eiga þeir eftir að taka sig saman og gera betur, þetta er hinsvegar voða gaman meðan vandræðin endast og Hamilton blómstrar, glæsilegur árangur hjá stráknum....

Hundskamma Ferrariliðið

Er komið vor, eða hvað?

Það er eins og það þurfi alltaf að taka þennan toll út á mótorhjólafólki á hverju vori. Klárlega þarf að fara í gang með áróður varðandi aðgæslu mótorhjóla fyrr á vorin, hjólum fjölgar stöðugt og það er aldrei ofsagt að menn verða að reikna með þeim í umferðinni.

Hraðakstur, prófleysi ökumanna bæði á hjólum og bifreiðum hér í Þorlákshöfn, bæði hjá ungum og öldnum er svo alveg kapítuli út af fyrir sig og hefur með það að gera að hér er ekki hugsað fyrir neinni löggæslu, (eða telst til undantekninga) sem aftur bíður heim ýmsum hættum og endalausum leiðindum. (Tek það fram að ökumaður bifhjólsins, sem keyrt var fyrir í slysinu í gær, er ábyggilega með próf)

Það er spurning hvað fólk þarf að sætta sig lengi við að fá ekki þessa þjónustu sem löggæsla er, sem flestum finnst sjálfsögð og partur af tilverunni?

Tvö bifhjólaslys samtímis

Þeim er ekki sjálfrátt þessum andskotum.

Það er með hreinum ólíkindum að þurfa að vera að japla á þessu ár eftir ár. Ótrúlegt að geta ekki klárað þetta "one way or another" og lokað bókinni. Ég hélt nú að það væri búið að valda nægum skaða með ruglinu þó menn reyndu nú að girða sig í brók og klára þetta í eitt skipti fyrir öll.

FT segir forsvarsmenn Baugs hugsanlega sæta nýjum ákærum

Magnaður Ronaldo.

Hann er ótrúlegur leikmaður þessi drengur, hann er hreinlega fær um að vinna leiki uppá sitt eindæmi. Liðið spilaði reyndar vel, sérstaklega í fyrri hálfleik, það gekk hinsvegar illa að koma tuðrunni í netið, en um það snýst þetta auðvitað.

Ferguson: Ronaldo kom okkur til bjargar

Er þetta ekki yndislegt líf?

Það er með ólíkindum hvað hlutirnir eru að falla skemmtilega fyrir mína menn þessa dagana, það er einhver meistaraheppni þarna á ferðinni í bland. Það er raunar mála sannast að enginn verður meistari án smá heppni á lokasprettinum og við erum alveg tilbúnir að taka við smá skammti takk...

Fjórða jafntefli Arsenal í röð

Ánægjuleg en ekki mjög óvænt byrjun.

Þetta er glæsilegt hjá Hamilton, hann kemur sterkur inn eins og vonast var eftir og bíllinn virðist jafnvel betri en ætla mátti af æfingatímunum á vetrinum. Kovalainen stendur líka undir væntingum sem til hans voru gerðar. Ekki slæm byrjun.

Hamilton á ráspól en meistarar byrja aftarlega

Hólmsteinn í skítamálum.

Eina ferðina enn er prófessorinn með allt uppá bak. Ekki fyrir besta kvótakerfi í heimi, ekki fyrir að ganga frjálslega um mannorð einhvers, nú fyrir ritstuld og að geta ekki heimilda. Þessi snillingur sem vinnur við að kenna ungdómnum m.a. meðferð heimilda.

Auðvitað ætti pilturinn að vera orðinn atvinnulaus nú þegar, en það verður hann nú sennilega ekki því "skrattinn sér um sína"

HÍ lítur dóm yfir prófessor alvarlegum augum

Bæjarráð Vestmannaeyja.

"Bæjarráð Vestmannaeyja - snurvoðaveiðar hættulegar lífríkinu"

"Á fundi bæjarráðs Vestmannaeyja þriðjudaginn 4. mars sl. var fjallað um ályktun Farsæls, félagi smábátaeigenda í Vestmannaeyjum, um snurvoðaveiðar.

Í ályktuninni var greint frá áhyggjum trillukarla í Vestmannaeyjum af snurvoðaveiðum í fjörunni við suðurströndina og þess krafist að veiðarnar yrðu a.m.k. færðar út fyrir 6 sjómílur.
Í bókun bæjarráðs kemur fram að ráðið "tekur undir áhyggjur Farsæls, félag smábátaeigenda um að snurvoðaveiðar á þessu svæði séu vafasamar og hættulegar lífríkinu á Vestmannaeyjasvæðinu." "

Það er svo sem ekki vandi að taka undir með þeim, að veiðar þessar á smáýsu í vetur hafa ekki verið til fyrirmyndar. Það er meira að segja hægt að fallast á að þær séu þvert á móti til skammar, vegna smáýsuveiða, en þar er við Hafró að sakast, sem oftar. Það er hinsvegar oft dálítið skrautlegt sem mallað er saman í Eyjum.

Hvernig dettur mönnum í hug að ætlast til að það sé einhver að taka þá alvarlega með að reka snurvoðina út fyrir 6 mílur, (af því ekki er gert út á snurvoð í Eyjum) vegna þess að hún sé hættuleg lífríkinu, en halda togurum af sverustu gerð (sem nóg er af í Vestmannaeyjum) áfram inná 3 mílur??? Það er svo mikill eiginhagsmunabragur á öllu sem frá þeim kemur að það getur enginn tekið það alvarlega.

Ef þeir hefðu viljað togarana út hefði kannski einhver sperrt eyrun, en þetta hlustar enginn á.