Þeir kunna þetta þessir gæjar.

Það þarf ekkert að kenna þessum leiguliðum Óla í Sambó og Bakkabræðra í svona ránum, þar er um algera sérfræðinga að ræða sem fengið hafa gott atlæti í uppeldinu.

Best gæti ég nú trúað samt að nú hafi þeir gengið aðeins of langt í græðginni. Það er ekki 2007 lengur sko, gáið að því drengir.


mbl.is Vildu fá milljarð í rekstrarkostnað
Tilkynna um óviðeigandi tengingu við frétt

Nei, ansans ólán.

Það getur nú varla verið að menn séu undrandi á þessum vegleysum sem flotkrónuræfillinn er í? Þó eru þeir til sem halda því fram, að það sé ekkert mál að draga fram lífið í þessum nárassi hér Norður í höfum með sjálfstætt myntkerfi í formi krónuræfils þessa. Ég verð örugglega kominn sex fet niður áður en að það skeður. Ég ætla raunar að spá því að það verði aldrei, öðruvísi en með þeim hörmungum sem því hafa fylgt með reglulegu millibili. En kannski vill fólk þessa spennu sem því fylgir að hafa íslenska krónu? 
mbl.is Gengi krónunnar veiktist um 0,55%
Tilkynna um óviðeigandi tengingu við frétt

Hann Berbatov veit hvað hann syngur.

Ég er handviss um að þetta á eftir að koma betur í ljós á næstu árum, hann Rooney er enfaldlega óborganlegur. Honum er að lærast að hafa stjórn á skapinu, sem oft hefur hlaupið með hann í gönur, en örugglega á hann mikið inni sem knattspyrnumaður, gríðarlega öflugur.
mbl.is Berbatov: Rooney betri en Ronaldo
Tilkynna um óviðeigandi tengingu við frétt

Já, er það tilfellið??

Það þarf nú ekki háskólapróf til að veðja ekki mikið á íslenska flotkrónu. Hann Ingólfur hefur verið að spá fyrir okkur í ansi mörg ár, eins og fleiri og fjölmargir eiga um sárt að binda vegna "spádóma" þessara snillinga. En flotkrónan íslenska mun eiga erfitt uppdráttar um langa framtíð, það hefur enginn trú á ónýtinu og þarf ekki háskólapróf eða milljónalaun til að sjá það.
mbl.is Vantrú á krónunni skýrir helst hve veik hún er
Tilkynna um óviðeigandi tengingu við frétt

Þeir hafa fengið messu í hálfleik.

Það er alveg á tæru, nú hafa drengirnir fengið að heyra það í hálfleik og ekki að ástæðulausu. En þetta er vonandi eitthvað í líkingu við framhaldið.
mbl.is Rooney með tvö í stórsigri United - Arsenal fór létt með Portsmoth
Tilkynna um óviðeigandi tengingu við frétt

Og málið dautt,

það er ómögulegt annað, það skiptir varla miklu máli hvað snepill þeirra kvótagreifa setur á forsíðurnar um fyrirtækið, ef hagnaður er góður og þeir borga lánin sín? Auðvitað gæti svona frétt, sönn eða login, komið róti á birgja og aðra, en það er sama með það, ef þeir eru að fá borgað með eðlilegum hætti gerir svona frétt varla neinn gæfumun.

Ég hélt nú bara að gúrkutíð væri ekki slík, að það þyrfti að setja saman frétt án þess að það væri fótur fyrir henni. En auðvitað er alltaf verið að leita að einhverju bitastæðu, annarsstaðar en í sínum eigin garði. En þeir gætu nú verið öflugir á Mogga, ef þeir helltu sér í fréttir af sægreifum, af nógu er að taka. En þeir vilja auðvitað halda vinnunni.


mbl.is Segja rangt að Hagar séu í gjörgæslu
Tilkynna um óviðeigandi tengingu við frétt

Bjarni Neinn Benediktsson.

Hann er magnaður þessi gæji, það er eitt í dag og annað á morgun, eftir því hvort hann er í stjórn eða andstöðu. Ofaní kaupið er hópurinn sem hann er að reyna að leiða enn vingulslegri og það veit enginn hvert verið er að halda. Nú þarf hann að fara heim og taka "sólarhæðina" á þessu hjá pabba, leggja sig, mæta endurnærður í fyrramálið og tala eins og sá sem vitið hefur. Ekkert minna en það dugar til að hann haldi haus.
mbl.is Breytingartillögur nægja ekki
Tilkynna um óviðeigandi tengingu við frétt

Bara kjánalegt.

Það er örugglega ekki of mikið til höfuðsins þarna og þar af leiðir að menn verða varla í vandræðum með að koma lögum yfir kjánana. Aulagangurinn er með þvílíkum endemum að það hálfa væri nóg og þeir enda með að verða undnir af tryggingafélaginu meðan eitthvað blóð er í þeim. Það er vonandi að þetta hafi gefið einhverja ánægju, því dýr verður hún.


mbl.is Kveikt var í Range Rovernum
Tilkynna um óviðeigandi tengingu við frétt

En hvað með Kjartan Gunnarsson?

Ætlar Steingrímur virkilega að fara fram gegn þessum einum af okkar glæstustu sonum? Því trúi ég nú ekki fyrr en ég sé það. En það vill til að Kjartan telur sig auðvitað alsaklausan af Icesave, enda bara tengill FLokksins við bankastjórnina og ekki þarna nema í mesta lagi til að hlaða undir sig og sína. En það verður áhugavert að sjá hvað úr þessum hanaslag verður.
mbl.is Ríkið í mál vegna Icesave
Tilkynna um óviðeigandi tengingu við frétt

Gríðarlega öflugur Finnur frækni.

Það vantar ekkert uppá gjörvileikan þarna, hann á örugglega eftir að stökkva fram alskapaður í pólitíkina einn daginn. Það er raunar skaði að þeir Frammarar skildu ekki gera hann að formanni um árið, honum fannst allavega að hann ætti einhverju ólokið á þeim vettvangi. Hann er búinn að vera í löngu og rándýru námi hjá þjóðinni maðurinn?

Ætli það vanti ekki mann til að reka prjónastofu einhversstaðar, Þar virkaði hann illskást. Það gleymir því allavega enginn sem man, þegar Halldór dró hann þaðan inní ráðuneyti sjávarútvegs og gerði hann að aðstoðarmanni sínum, yfirgripsmikil vanþekkingin er ógleymanleg. En hér verður heimskunni allt að vopni.


mbl.is Skuldir langt umfram eignir
Tilkynna um óviðeigandi tengingu við frétt

« Fyrri síða | Næsta síða »

Höfundur

Hafsteinn Viðar Ásgeirsson
Hafsteinn Viðar Ásgeirsson
Mars 2025
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Heimsóknir

Flettingar

  • Í dag (15.3.): 0
  • Sl. sólarhring:
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband