Hann Pétur hittir oft naglann á hausinn.

Og virðist meira að segja oftar en ekki tala af skynsemi. Það er meira en formaðurinn hans getur státað sig af, þar sem hver ábyrgðarlaus þvælan af annari vellur fram. Pétur þarf greinilega að hækka róminn.

Frávísun myndi valda stjórnmálaóreiðu

Hann þarf ekki að biðja neinn afsökunar þessi piltur.

Kjartan Gunnarsson heitir hann þessi og er aldeilis ekki á þeim buxunum að biðja nokkurn mann afsökunar á einu eða neinu. Það er þó mála sannast, að engin skepna í þessu landi hefur lagt annað eins á þessa þjóð sem þeir landsbankafurstar. En Kjartan er forhertur skratti og eins og JBH sagði réttilega, ósvífinn með endemum. En merkilegt nokk, ég sé hvergi kröfur frá "skrímsladeildinni" eða neinum öðrum um að hann eða fóstbróðirinn úr Seðlabankanum, (sem þó tapaði einhverjum 300 milljörðum með asnaskap) biðji nokkurn mann afsökunar?

Kjartan Gunnarsson Fréttablaðið/GVA

"Kjartan Gunnarsson, fyrrum bankaráðsmaður Landsbanka, vill í engu svara áskorun fjármálaráðherra um að hann biðjist afsökunar á þætti sínum í bankahruninu né ávirðingum Jóns Baldvins Hannibalssonar sem birtust í gær.

„Já, heyrðu ég ætla ekki að eiga neitt viðtal við þig um það, sko," segir Kjartan. Spurður hvort hann telji ekki að fólk eigi að fá svar við þessu, segir Kjartan: „Þú heyrðir alveg hvað ég sagði, er það ekki?"

Hann svarar ekki, spurður hvort von sé á viðbrögðum frá honum á öðrum vettvangi. Kjartan neitar því að hann óttist að svara þessum spurningum.
Jón Baldvin Hannibalsson, fyrrum ráðherra, furðaði sig á afstöðu Kjartans í Morgunblaðinu í gær. Í stað afsökunarbeiðni, kjósi Kjartan að gera hróp að þeim sem hreinsi upp eftir hann."

Afsökunarbeiðnin.

Hann Hreiðar Már var alveg ákveðinn í því að láta ekki illa undirbúinn Sigmar draga uppúr sér afsökunarbeiðni til handa þjóðinni. Það er að mörgu leiti skiljanlegt að drengurinn láti ekki toga uppúr sé slíkt, verandi sannfærður um að hann hafi ekkert af sér gert. Viðtalið var að mörgu leiti gott, fyrir Hreiðar, en mér fannst hann Sigmar nota illa tækifærið til að draga uppúr honum eitthvað sem máli skiptir.

Það hefði til að mynda verið áhugavert að fá frá Hreiðari hvað hann teldi fært að gera fyrir skuldara í landinu, eins og hann nefndi sjálfur, það hefði allavega verið uppbyggilegra en að hlusta á endurteknar afsökunartuggur frá æstum Sigmari.

Hann hefði líka getað spurt hann beint að því, hvort sögusagnir um eign þeirra félaga á Kaupþingi í Lux væri staðreynd?

Nei, útkoman úr þessu viðtali er að Sigmar klikkar, illa undirbúinn og æstur, en Hreiðar heldur ró sinni og kemst þokkalega frá viðtalinu.

Annarra að biðjast afsökunar

"Bragð er af þá barnið finnur"

Það er ekki hægt annað en taka undir með honum Binna að "svona geta menn bara ekki hagað sér". En það á nú ekki bara við veiðar úr makrílstofni, það á nú við ansi margt í veiðum og verðlagningu sjávarfangs á Íslandi. Það er vonandi að hann fylgi eftir þessar uppgötvun sinni og fari með hana inná borð Líú. Það er aldrei of seint að iðrast og verkefnin næg.

Yfir 6 milljarðar tapast vegna sýktrar síldar

Ekki alveg eins og það virðist.

Það er nú varla hægt að setja þetta upp með þessum hætti. Inní þessum tölum eru einhver hundruð útlendinga sem farnir eru til síns heima og settu sig jafnvel aldrei niður nema til skamms tíma.

Íslendingar sagðir flýja sökkvandi skip

Þar sem er reykur.....

Þar er oftar en ekki eldur, allavega hiti. Það er eins víst og að dagur fylgir nóttu að þessi frétt á við einhver rök að styðjast, en vonandi er heimskan ekki svo mikil að hún verði að veruleika, nóg verður það nú samt.

Engar afskriftir hjá Magnúsi

Ég sæi nú hana Perlu mína.

Eða hitt þó heldur, þetta gæðablóð mundi örugglega reyna að vingast við komumann. Reyndar mundi hún vekja alla því hún geltir ef hún ekki þekkir viðkomandi, en ef hann aulaðist til að klappa henni og dekra smá þá væri málið dautt.

Hundur stökkti þjófi á flótta

Hvað er eiginlega í gangi?

Er það virkilegt að engar tryggingar hafi verið fyrir þessum lánum? Hvurslags endemis fífl hafa verið að véla um þetta rugl fyrir bankann? Hvar eru þeir núna? Ekki yrði ég hissa þó hann stæði eftir með Toyota og allan útgerðarpakkann eftir að hafa velt þessum hörmungum á bakið á landsmönnum og/eða kröfuhöfum í bankann.

Það væri nú þarft verk fyrir blaðið sem tók drottningarviðtalið við Magnús einhverjum mánuðum fyrir hrun, hvar fram kom að allt yrði að gulli sem hann snerti á, að rifja það upp, eða punktana úr því, svona svo fólk geti áttað sig á sjálfumgleðinni og heimskunni.

Gamli Landsbankinn afskrifar skuldir Magnúsar

Nei, minn maður óttast ekkert.

Ekki frekar en fyrri daginn. Enda væri það ekki gæfulegt og hann þarf vonandi ekkert að óttast.

Ferguson segir fáránlegt að afskrifa City

Hrikalegt fall verðmæta aflans.

Ekkert minna en hrun hér á ferðinni. Verðmætaaukning um 4,2% í íslenskum flotkrónum er auðvitað ekkert minna en verulegt áfall, ef gætt er að breytingu á gengi áðurnefndrar flotkrónu milli tímabila. Það er vandséð hvernig útvegurinn kemur til með að krafla sig í gegnum skuldapakkann með þessa innkomu.

En það er merkilegt að skrifari fréttarinnar skuli finna út, að þetta sé verðmætaaukning?

Aflaverðmæti eykst milli ára