Vitleysunni virðast engin takmörk sett.

Það er með hreinum ólíkindum, að á sama tíma og þetta félag er að skila þeim árangri að menn eru ósáttir og vilja hærri iðgjöld, þá eru til peningar til að borga út svona endemis rugl og sjálftöku vil ég segja.

Eru þessir stjórnarmenn sem fyrir svona bulli standa virkilega starfi sínu vaxnir? Ég tel stóran vafa leika á því, í fúlustu alvöru og lýðurinn klappar og kýs þá vinsælustu menn í bransanum. það er jú ákveðið afrek og kannski að það sé verið að verðlauna það? 

300 milljóna forstjóralaun hjá TM

Loðnustofninn í Barentshafinu.

Hér er önnur frétt af INTERSEAFOOD vefnum í dag, hvar fram kemur að loðnustofninn í Barentshafi sé í vexti um þessar mundir, en þar hefur verið bann við loðnuveiðum um árabil. Það er talið að þrátt fyrir batann þá muni Norar engar loðnuveiðar leyfa í bráð og í fyrsta lagi á næsta ári. Ef þeir þá vilji fara í samkeppni við þorskinn um fæðuna.

Þarna eru menn komnir eitthvað lengra á þróunarbrautinni, eða þá að þeir láta ekki útgerðarmenn loðnuskipanna um að taka ákvarðanirnar.

"Fyrri hluta loðnurannsóknaleiðangurs norsku hafrannsóknastofnunarinnar í Barentshafi á þessum vetri er nú lokið. Víða hefur orðið vart við loðnu en hvergi í þéttum torfum. Svo virðist sem að loðnan sé ekki byrjuð að ganga að neinum krafti upp að ströndinni til hrygningar.

Greint er frá leiðangrinum á heimasíðu norsku hafrannsóknastofnunarinnar og þar kemur fram að gott samstarf hafi verið haft við Rússa um rannsóknirnar. Rússnesk rannsóknaskip hafa orðið vör við loðnu allt austur til Novaja Semlja og þar virðist vera töluvert af loðnu.

Loðnuveiðar eru bannaðar í Barentshafi um þessar mundir en margt bendir til þess að stofninn sé á uppleið og jafnvel er talið að hægt verði að leyfa loðnuveiðar strax á næsta ári. Þ.e.a.s. ef menn hafa á annað borð áhuga á að fara í samkeppni við þorskinn og aðra nytjastofna um ætið."

Ólíkt höfumst við að...

Þessi frétt er tekin af vef INTERSEAFOOD í dag og greinir frá baráttu strandveiðimanna í CHILE og þar er greinilega einhver annar mórall í gangi en hérlendis...? Er ekki hægt að læra eitthvað af þessu...? 08-02-13

Strandveiðimenn í Chile farnir í stríð gegn togveiðum Það er víðar en á Íslandi sem smábátamönnum og fleirum finnst nóg um ágang togara, togskipa og dragnótabáta allt uppí kálgarða. Á sama tíma og umræðan á alþjóðavettvangi er öll á einn veg - þ.e. að ýta þessum veiðarfærum frá landi, hafa veiðisvæði þeirra stækkað hér við land. Í Chile hafa samtök strandveiðimanna, Chilean National Confederation of Artisanal Fishermen (CONAPACH) hafið herferð gegn togveiðum við strendur landsins. Strandveiðimenn frá San Antonio, Valparaiso, Renaca, Higuerillas og Con Con eru staðráðnir í því að snúa almenningsálitinu gegn togveiðum. Markmiðið er að safna 100 þúsund undirskriftum undir bænarskjal til stjórnvalda um að setja löggjöf sem bannar skaðlegar veiðar - s.s. togveiðar iðnaðarskipa. CONAPACH staðhæfir að fjöldi strandveiðimanna byggi afkomu sína á stofnum sem nú eru að hruni komnir vegna togveiða. Heimasíða CONAPACH er: Elimine mos el Arrastre Myndin er af gunnfána herferðarinnar.

Erlendur kallar útí tómið.

Það er nær öruggt að Erlendur fær engin svör við þessu ákalli sínu. Jafn undarlegt og það nú er, þá er sjálfgræðisflokkurinn og dýralæknirinn í ráðuneyti fjármála algerlega ósammála honum, svo hann verður að finna sér aðrar leiðir en að kalla svona útí tómið. Það er alveg eins líklegt að hér verði bara rakinn flóttinn og allt fari þetta fram án afskipta stjórnvalda, fyrr en allt er komið í óefni.

Kallar eftir skýrri evrustefnu

Stórsigur Kaupþings.

Það er ekkert minna en stórsigur hjá Kaupþingi að ná fram svona niðurstöðu án þess að eyða í það mörgum árum í réttarsölum og í ofanálag að fá þetta inní umræðuna erlendis, eins og hún er um þessar mundir. Það er ástæða fyrir Kaupþingsmenn að fagna þessari niðurstöðu og þeirri umfjöllun sem örugglega fylgir. Það þarf að berja á þessu dálítið, víða um lönd...

Biður Kaupþing afsökunar

Þörfu málefni hreyft.

Bubbi kemur hér inní vandræðamál með gott útspil á réttu augnabliki. Hér þarf að spyrna við fótum og gera ungu fólki grein fyrir því að svona geri maður ekki og á ég þar við þessa ömurlegu heimasíðu sem fréttir hafa borist af að undanförnu. Vonandi nær hann að smala að sér fólki sem hefur vigt í augum þeirra sem þarf að ná til.

Bræður og systur gegn fordómum

Hvar hefur þetta umferðareftirlit verið?

Það eru fleiri ökumenn á götunum í Reykjavík að tala í símann á venjulegum degi, en þeir sem eru ekki með síman á eyranu. Þetta sjá allir sem bara líta í kringum sig inní næstu bíla á ljósum. Þeir hljóta að geta náð inn milljónum á góðum degi. Það er eitthvað búið að vera að varðandi það, að koma því til skila að þetta megi ekki. Það er t.a.m. svo að sjá að þessar reglur hafi algerlega farið fram hjá venjulegum húsmæðrum sem eru á ferð í bænum um miðjan daginn...

Ökumenn að tala í símann undir smásjánni

Gamli misgóði Villi.

Vilhjálmur vildi að Þórólfur segði af sér vegna ósannsögli

MYND/Stöð 2

Vilhjálmur Þ. Vilhjálmsson oddviti Sjálfstæðismanna í borgarstjórn, skoraði á Þórólf Árnason fyrrverandi borgarstjóra að segja af sér á sínum tíma, vegna tengsla hans við verðsamráð olíufélaganna. Þá sagði Vilhjálmur alvarlegt ef stjórnmálamenn segðu ekki satt.

Karen Kjartansdóttir blaðamaður á Fréttablaðinu skrifar um framgöngu Vilhjálms í aðdraganda þess að Þórólfur Árnason, borgarstjóri Reykjavíkurlistans, sagði af sér embætti árið 2003.

Þórólfur lá undir ámælum vegna fyrra starfa sinna hjá Olíufélaginu, sem varð uppvíst að verðsamráði með hinum stóru olíufélögunum og það samráð bitnaði m.a. á Reykjavíkurborg. Vilhjálmur sagði um Þórólf í Fréttablaðinu hinn 30. júlí 2003: „Hann er ekki að segja satt og rétt frá og vísa ég til hans eigin gagna því til stuðnings."

Síðar segir Vilhjálmur: „Það er mjög alvarlegt mál þegar stjórnmálamenn segja ekki satt og rétt frá. Ég get einfaldlega sagt það að ef ég væri staðinn að svona löguðu þá myndi ég segja af mér. Hann verður hins vegar að gera þetta sjálfur upp við sína samvisku," segir Vilhjálmur.

Í ágústmánuði tjáir Vilhjálmur sig aftur í Fréttablaðinu um stöðu Þórólfs. Hinn 22. ágúst er haft eftir Vilhjálmi: „Þórólfur segir að hann hafi bara fengið tölur frá forstjóranum og ekki vitað hvað hann var að skrifa undir. Það er nú ekki merkilegt svar," segir Vilhjálmur.

Sjálfur hefur hann borið fyrir sig í REI-málinu að hann hafi ekki alltaf haft öll gögn og upplýsingar við hendina þegar hann tók ákvarðanir. Frá því að Vilhjálmur mælti þessi orð um Þórólf í júlí og ágúst 2003, leið rúmt ár þar til Þórólfur sagði síðan af sér. Hann tilkynnti afsögn sína hinn 9. nóvember 2004 og lét af embætti hinn 30. nóvember.

Hér er frétt af Vísir.is sem segir meira en flest annað sem fram hefur komið síðustu daga hver óþefurinn er af kallinum. En hann situr sem fastast að sjálfsögðu, enda samviskusamur og gegnheill eins og frægt er orðið......bara pínu gleyminn og kannski líka vi****

Framhald á neikvæðum fréttum að utan.

Það er ómögulegt annað en að á endanum takist þessum andskotum að tala vandræði yfir íslensku fjármálafyrirtækin. Ótrúlegt að öll þessi neikvæðu skrif fari ekki á endanum að hafa áhrif á starfsemi og fjármögnun erlendis. Alltaf kemur það ítrekað upp sem helsta veiking og vandamál þessara fyrirtækja, ef á dalnum harðnar á annað borð, hvað tengslin eru mikil. Allt í kross og allir eiga í öllum...allt í sömu körfunni.

Óttast íslenska kollsteypu

Góóðððður Villi.

Auðvitað þarf að fá svar við þessari spurningu. Það er algert lykilatriði að fá það á hreint hvað er satt og hvað er logið af þeim fullyrðingum og ávirðingum sem fram hafa komið á stjórnendur SPRON að undanförnu. Vilhjálmur stendur vaktina í þessu máli eins og víðar og honum er treystandi til að klára það.

Spyrja Fjármálaeftirlitið um SPRON