Sýna gestgjöfum kurteisi.

Þeir eru kurteisir og vel uppaldir mínir menn, það hefur nú alltaf legið fyrir og sjálfsagt að sýna það þarna og gefa þeim eftir sigur í leiknum..

Man.Utd tapaði í Riyadh

Hann mátaði alla á endanum.

Já nú er allt liðið skák og mát. Hann stýrði öllu eftir sínu höfði til enda og hefur verið búinn að plana útförina sína hvað þá annað. Megi hann hvíla í friði.

Fischer jarðsettur í kyrrþey

Grafreitur hvílir í friði??

Já, þetta er skringilega til orða tekið finnst mér.

Grafreiturinn fái að hvíla í friði

Björn Ingi - Bingi.

Fyrir alla muni gleymdu þessum lúðum sem þú hangir við núna, það er örugglega betra að vera einn í liði heldur en með bændum, draugum og fornmönnum sem hafa eingöngu "sans" fyrir eigin rassi og kvótakerfum andskotans, bæði í landbúnaði og sjávarútvegi.

Björn Ingi úr Framsóknarflokki?

Mínir menn.

Þeir áttu fínan leik gegn Reading, þó mörkin létu á sér standa. Reading strákarnir áttu ágætan leik og gáfust aldrei upp, líkt og Newcastle gerði á dögunum, en það dugði skammt gegn ofureflinu. ManU voru einhverjum númerum of stórir fyrir Reading....

Toppliðin þrjú fögnuðu öll útisigrum

Ekki nokkur vafi.

Það finnst mér bara alls enginn vafi. Hér átti hann sitt skjól fyrir ofstækisfullum yfirvöldum BNA við lok ævinnar og allavega væri alveg gegn gangi mála að meistarinn færi vestur um haf til hinstu hvíldar, svo mikið er víst.

Fischer hvíli í íslenskri mold

Sæmundur Pálsson.

Það er trúlegt að fáir hafi misst meira við fráfall Fishers en Sæmundur vinur hans. Þrátt fyrir að Fisher hafi verið frægur fyrir að bíta af sér þá sem voru honum næstir og jafnvel Sæma, þá stóð sennilega enginn nær Fisher en Sæmi. Sæmundur Pálsson fær samúðarkveðjur frá þessari síðu..

Kveður Fischer með söknuði

Fátt sem kemur á óvart þarna.

Og alls ekki það að Ferguson skuli vera útnefndur þjálfari ársins. Það er ekki vafi að kallinn er búinn að gera stórgóða hluti á síðasta ári og vonandi kemur uppskera í vor í samræmi við það.

UEFA útnefnir lið ársins

Auðvitað dæmir sagan.

Ekki er nokkur vafi á því í mínum huga að sagan mun dæma BAN fyrir meðferðina á þessum sérstæða einstæðingi. Hún er þeim til skammar, eins og svo margt annað á síðari árum ,sem ég trúi að framtíðin muni ekki fara mjúkum höndum um þá fyrir. En kallinn fékk hér allt of fá ár við lok ævinnar í ró og spekt og það má þakka Davíð Oddsyni fyrir það öðrum fremur sennilega.  

„Sagan mun dæma Bandaríkjamenn"

Það hefur það....

Eins og hann stóð sig í gærkvöldi virtist vera greinilegt að drengurinn var ekki í lagi. Nema því aðeins að Grýla hafi lagt á hann einhver álög.

Þetta gerir allavega ekkert til eins og allt gerði sig í Svíaleiknum og bara vonandi að það sjái einhver tækifæri í hans forföllum, eins og reyndar Óli segir hér sjálfur.

Ólafur líklega ekki með í næstu tveimur leikjum á EM