Svíagrýlan dauð?

Svo sögðu þeir einum rómi fyrir mótið strákarnir okkar, en hún var alveg sprellifandi í kvöld. þarna varð vitleysunni allt að vopni og það þurfti á köflum að beita sig hörðu til að geta horft. Aldeilis afleitur sóknarleikur var það sem slátraði þessum leik fyrir þeim, sem sagt þeir gengu frá sér sjálfir, með hjálp markvarðar Svía.

Það er nú vonandi að þeir eigi eitthvað meira inni en þetta, annars eiga þeir lítið erindi þarna og ég hef nú fulla trú á því að það eigi þeir, þrátt fyrir hörmungina...

Svíar sigruðu

Semjum við Rússa.

Hér er frábær hugmynd á ferðinni. Það er ekki vandi að sjá að svona aðgerðir mundi fljótt slá á ofbeldisölduna hér á landi. Þurfum að semja um vistun á nokkrum þeim verstu og það er ekki líklegt að þeir mundu sækjast eins mikið í svona utanlandsferð eins og biðdómana eða fangelsisdóm á Íslandi.

Unglingur sendur í betrunarvist til Síberíu

Það var auðvitað.

Það er nú meira lánið yfir þeim Bretum í þessum þjálfaramálum. Loksins þegar þeir ráða mann, þá er farið eftir honum til Ítalíu og einn pikkaður upp sem stendur í að verjast skattrannsókn og Guð má vita hverju. Þetta fer nú að verða svolítið pínleg þrautaganga...

Meint skattsvik Capello rannsökuð

Mikil hálka á láglendi.

Það er mikil hálka hérna með ströndinni vegna frostleysis. það hefur hinsvegar ekki snjóað hér síðan uppúr hádegi, en klárlega er allt annað umhverfi þegar komið er í Þrengsli eða á Hellisheiði, því það er dálítill vindur líka og þar með skafrenningur. Endilega farið varlega, þið sem þurfið að vera á ferðinni...

Varað við versnandi veðri á Hellisheiði og Þrengslum

Góður "díll".

Keegan er sennilega góður kostur fyrir Newcastle. Fáir hafa náð betri árangri með þetta lið á undanförnum árum. Hann var í ágætum málum með stuðningsmennina, sem ekki er lítið atriði þarna og var ekki rekinn, heldur fór og hafði með sér eftirsjá stuðningsmanna. Það verður gaman að fylgjast með framhaldinu...

Keegan tekinn við Newcastle

Þvagleggur kominn á keðjur.

Það er öruggt að þarna hefur "Leggur" þurft að fjárfesta í keðjum. það er ótrúlegt að það hafi verið til keðjur í skúrnum.

Hann Gvendur frá Haugi var nú á keðjum samt þegar hann paufaðist með okkur hjónakornin á fæðingarheimilið í Reykjavík á Þorláksmessu fyrir þrjátíu og tveimur árum. Og hann var einsamall kallinn, á Maríu, (man nú ekki alveg hvort hún var svört eða græn) og lét konuna sitja á milli okkar í framsætinu. Það þarf ekki að orðlengja, að það rétt hafðist að koma þeirri ófrísku í hús og barnið var fætt. Guðmundur, man ég, var ansi svekktur hinsvegar að fá ekki að æfa sig í að taka á móti barni, hann var nýbúinn að fara á námskeið...en ég var voða feginn...þó ég missti af að vera viðstaddur fæðinguna, útaf "óðagotinu".

En ófærðin í morgun var barnaleikur hjá þessu veðri á Þorlák 1975......

Keðjur undir lögreglubílinn í fyrsta sinn í manna minnum

Vonum seinna.

Þetta er nú eitthvað sem lengi hefur legið í loftinu. Ekki er endalaust hægt að keyra svona verksmiðju á voninni og góðum óskum. Auðvitað grátlegt að það skuli ekki vera hægt lengur að reka svona verksmiðju, þó fullkomin sé með hagnaði en svo virðist ekki vera. Nægur er samt rækjukvótinn og nóg var af rækju í fyrra en við erum bara ekki samkeppnisfærir, að því er virðist. Svo kvótakerfi í rækjuveiðum bjargar ekki iðnaðinum...?

Rækjuvinnslu hætt á Akureyri

Glæsilegur árangur.

Árangur Skagamanna í gegnum árin er auðvitað ótrúlegur, það vitum við sem erum komin til einhverra ára hér á klakanum. En það er auðvitað magnað þegar samtök sem þessi eru farin að veita því athygli, en það er gaman að þessu fyrir þessa menn sem eru búnir að vera í eldlínunni þarna á liðnum árum og áratugum...

UEFA fjallar um uppbyggingarstarf ÍA

Svakalegt gáfnafar!

Það er nú meira en líklegt að þessi grey hafi eitthvað lítið á "milli eyrnanna". Alveg er lífsins ómögulegt að þeir viti það ekki að þeir verða hirtir einn daginn, þeim virðist bara alveg standa á sama um svoleiðis smáatriði. Nú eru þeir sjálfsagt lausir, já og atvinnulausir líka og koma af auknum þunga á eigur annara, allt betra en að vinna fyrir sér. 

Það er nú eins og eitthvað meira en lítið sé að, annað en gáfnaskortur, þarna er eitthvað ekki að ganga upp.

Ræningjar staðnir að verki

Búsettir hérlendis?

Hér kemur ekki skýrt fram hvort þessir útlendingar voru búsettir hér, eða ferðamenn á bílaleigubílum? Það er nefnilega eins og við vitum víða önnur lenska í þessum málum en hér á landi og því er mjög áríðandi, að upplýsa ferðamenn á leið til landsins um þessa hluti eins og svo margt annað.

Hátt hlutfall útlendinga í ölvunarakstursmálum