Hann Saha veit sínu viti.

Það er ekki spurning, hann Saha er spámannlega vaxinn og er sennilega nokkuð öruggur á þessu. Við bindum vonir við hans spádómsgáfu..  Höfum ekki annað betra haldreipi í augnablikinu, fyrir utan að vita af því að vera með besta liðið, það dugar bara ekki alltaf, eins og dæmin sanna.

Saha spáir United titlinum

Nauðsynlegt innlegg.

Það er algerlega nauðsynlegt að halda öllu til haga um hvernig Geir Haarde og Baldur einkavinur héldu á þessum málum. það þarf með öllum ráðum að tryggja að það fari ekki úr minni þjóðarinnar hvernig hrunstjórnin stóð að hlutunum og hvernig FLokkurinn og Framsókn hafa gengið fram síðan.

„Makalaust innlegg“

Það ætti nú að duga.

Eða það hefði maður nú haldið að ætti að vera nóg fyrir bændur, að fá vissu fyrir því að geta verið áfram á framfæri Íslensku þjóðarinnar í styrkjum og niðurgreiðslum? Það eru auðvitað vonbrigði fyrir þá, ef þeir hafa reiknað með því að komast alveg á framfæri Brussel, að komast að því að þeir verði áfram að sjúga framfærsluna undan nöglunum á þessum fáu hræðum hérna. En þennan pakka tekur sennilega enginn óbrjálaður að sér. 

Norðlægur stuðningur blekking

Sitt er nú hvað fjölmennið.

Það hossar nú ekki hátt, þó takist að draga einhverjar hræður, sem hér er kallað fjölmenni til svona fundar. þess utan er ekki einusinni eins og hægt sé að merkja alla sem þar mæta sem áhangendur Líjúgara, fjarri því.

En ég segi nú bara enn og aftur, kjósum bara um málið, þá sjáum við hvar verður fjölmenni. það er klárt mál, að það er ekki meirihuti í landinu fyrir þessu kvótakerfi Framsóknar og andskotans.

Fjölmenni á fundi um fyrningarleið

Hann Wenger er nú ekki þekktur fyrir að gefast upp.

En vonandi er nú að hann sé útúr þessum slag. það verður nógu snúið að berja Chelsea úr toppsætinu. en örugglega mögulegt samt.

Wenger neitar að gefast upp

Samtökin Eiginhagur lýsa óánægju.

Það er ekki að efa, að margir verða til kallaðir til að gera sér mat úr ýmsu slátri sem er að falla til í bönkunum. Mér hugnast hinsvegar betur aðferðafræði Arion banka við að losa sig við þennan pakka en samtakanna Eiginhagur. Held raunar að fólk muni fremur vilja treysta á Jóhannes en eiginhagsmunaseggi af nýja skólanum.

Verið að tryggja áframhaldandi eignarhald fyrri eigenda

Steingrímur er alltaf á vaktinni.

Þó ég hafi aldrei kosið hann Steingrím eða hans lið, get ég ekki annað en hrifist af eljunni í drengnum. Ef það er einhver í vinnunni af þessum þingmönnum og ráðherrum, þá eru það Steingrímur og Jóhanna og með hreinum ólíkindum að einhverjum skuli til hugar koma að þau séu í þessum slag til að vinna skemmdarverk á hagsmunum þjóðar sinnar.

En sumir eru bara svo blindir af pólitík og einhverri heift, að þeir sjá aldrei til sólar í ruglinu. Algerlega innisnjóaðir.

Dómstólaleiðin varhugaverð

Auðvitað, það eiga nú flestir að geta sagt sér.

En það er samt frekar ólíklegt að gapuxar úr SjálfgræðisFLokki Neins sjái nokkurntíman til sólar í þessu máli. Mér er nær að halda að engu muni skipta hvað kemur uppúr pokunum þegar skýrslan fræga verður birt, þannig að hún breytir engu hvað þá varðar allavega, og sennilega má sama segja um fleiri.

Erfið samningsstaða

Að halda haus gegn þeim sterku.

Það auðvitað er góðs viti að halda haus gegn sterku liði Arsenal. Góður og dýrmætur sigur sem ætti að telja þega upp verður staðið í vor.

United hafði betur á Emirates

"Sínum augum lítur hver silfrið."

Það er samt alveg virði flugmiðans undir kjánann, að hann skuli hafa komist að því að þeir tala mannamál þarna úti. Mér er hinsvegar til efs, að hann hafi talað nokkuð af viti hann Sigmundur þessi pabbastrákur, fremur en fyrri daginn.

Hann er svosem líklegri til að hafa einhvern snefil af skilningi meðreiðarsveinninn og ég held raunar að hann átti sig á öllu málinu. Hann er bara ekki í stöðu til að tala um það eins og hann sé vitiborinn. En sem betur fer var Steingrímur með þeim, svo við getum treyst því að öllu verði til skila haldið.

Bjartsýnir eftir fund í Haag