Bölvaður vælukjói og vandræðagemsi.

Hann heldur áfram að henda skít í allar áttir, allt nafnlaust og engin leið að vita hvern fjandan hann er að fara. Held honum væri nú sæmst að halda bara kj**** og reyna að vinna fyrir kaupinu þar sem hann er núna.

Alonso: engir erfiðleikar í millum þeirra Hamilton

Mótmæli virtust....eitthvað?

Það sem ég hef hlustað á af þessu í fréttum í dag, varð ekkert stjórnlaust fyrr en "lögreglan" missir á sér stjórn og hleypir illsku og stjórnleysi inní málið. Ef þeir sem þar ráða og kvarta hátt og í hljóði yfir manna-og peningaleysi, (sem þeir hafa greinilega of mikið af) hefðu kunnað með málið að fara, (eða bara sent mannasættirinn Geir Jón á vettvang) hefði aldrei sennilega orðið nema einhver truflun á umferðinni.

Það er aldeilis alveg ljóst að af þessari uppákomu verða einhverjir að læra.

Mótmælin virtust stjórnlaus

Ekki gæfuleg útflutningsvara.

Það verður að segjast eins og er, að það er ekki létt verk sem þeir hafa tekið að sér hjá Glitni. Ekki er auðvelt að sjá við núverandi aðstæður, hverjir ættu að vera líklegir til að vilja hella sér í þennan slag hér uppá klakanum, (fyrst SAS er ekki í myndinni). Ég spái því nú að þessir hlutir verði óseldur um einhvern tíma og hugsanlega til frambúðar? 

Vilja selja allt að 35% í Icelandair

Afbragðs söguritari.

Það verður nú ekki annað sagt, en að honum Ferguson hafi tekist vel upp við að rita sögu Man.Utd. og það eru nú ekki margir sem eiga þar orðið stærri hlut. En hann skrifar hinsvegar ekkert af viti kallinn nema strákarnir geri sitt. Það er mikið undir að þeir klári sig af leiknum í kvöld.

Ferguson vill skrifa nýjan kafla í sögu United

Svakalegt klúður.

Það var rosalegt að enda leikinn með þessum hætti, eftir að hafa haft yfirhöndina mest allan leikinn. Riise ræfillinn á eftir að fá kúluna kennda. Annars áttu félagar hans að vera löngu búnir að gera út um þennan leik eins og hann spilaðist, en voru ekki á skotskónum, frekar en hann... ..fyrr má nú vera einfættur..    eða þannig.

Riise skoraði sjálfsmark og tryggði Chelsea jafntefli

Hvaða, hvaða.

Er þetta nú ekki óþarfa svartsýni? Er ekki líklegt, eins og svo oft áður í upphafi leiðangurs, að við vinnum þetta? Trúi ekki að það sé neinn afsláttur gefinn af því að við hirðum sigur þarna. 

Flestir veðja á Rússa í Eurovision

Þurfti ekki að opna þessa frétt.

Til að vita að hér væri á ferðinni frétt af hinum gríðaröflugu "sveinum Þvagleggs" á Selfossi, þeim hinum sömu og voru á eftir Aðilum í fyrrinótt. Það er auðvitað ekki spurning að það er gagn að því að koma því í hausinn á ungu fólki að það á að ganga þrifalega um. Hérna niður á ströndinni væri hinsvegar hægt að rúlla út plastpokum og hverju sem er dögum saman án þess að þessir sömu sveinar Þvagleggs ættu leið um til að grípa inní.

Afar undarleg verkstjórn þarna, en hann trúlega ber við blankheitum, sem auðvitað hefur ekkert með verkstjórnina að gera, það þarf bara pínulítið vit í hana, frekar en svo mikla fjármuni. 

Látnir tína upp plastpoka

Ekki svo slæm útkoma fyrir Svörtuloft.

Þessi könnun hefði hæglega getað litið mun verr út virðist mér. Ef ekki væri fyrir þessa undarlegu þráhyggju sjálfgræðismanna sem horfa margir ennþá til Davíðs eins og allt sem hann segir hafi komið frá Guði. Þannig að Seðlabankinn getur verið nokkuð sáttur, miðað við það sem er í umræðunni.

Meirihluti ber lítið traust til Seðlabankanss

Hann slær ekki vindhögginn hann Þráinn.

Það er óhætt að segja að hann Þráinn Bertelson hittir naglann á höfuðið í "bakþönkum" í morgun. Frábær pistill sem enginn ætti að láta fram hjá sér fara. Því til áherslu birti ég hann hér.

"Óheppileg umræða!

"Mikil opinber umræða getur verið óheppileg, skapað óraunhæfar væntingar og þar með haft neikvæð áhrif." Geir H. Haarde, formaður Flokksins og forsætisráðherra Íslands, á fundi með Samtökum atvinnulífsins 18. apríl 2008.

Þessi "sakleysislegu" viðvörunarorð benda ótvírætt til þess að það hafi farið fram hjá þessum forsætisráðherra sem vill sveipa aðgerða- og ráðleysi sitt dulúð, að vestrænt lýðræði og stjórnarskrár allra lýðræðisríkja byggja á einum og sama hornsteini: Sá hornsteinn sem öll hin sameiginlega velferð okkar byggist á heitir TJÁNINGARFRELSI. Opinber umræða getur vissulega verið óheppileg, jafnvel banvæn, fyrir óhæf stjórnvöld en hún er undirstaða velferðar almennings. Á því grundvallaratriði að það sé best fyrir heildina að allir hafi óheftan rétt til að tjá sig hvílir þjóðfélagsgerð okkar. Allt annað í stjórnarskrá okkar leiðir af þessu atriði.

Það er ógnvekjandi tilhugsun að skilningur á því sem stjórnarskrá lýðveldisins byggist á skuli ekki hafa náð inn í höfuðkúpuna á þessum forsætisráðherra - heldur. Fyrirrennari hans sem nú er seðlabankastjóri - ekki í Simbabve heldur á Íslandi - vildi setja fornaldarlög um fjölmiðla svo að þeir trufluðu ekki "stjórnvöld" í sinni djúpu hugleiðslu um hagsmunagæslu og samtryggingu útvalinna. Þessi vill ganga feti framar og biðst undan hinum neikvæðu áhrifum sem kunna að vera fylgifiskur mikillar og líflegrar opinberrar umræðu.

Ég held að þetta sé skuggalegasta yfirlýsing sem ég hef séð koma frá íslenskum stjórnmálamanni á síðustu áratugum. Þó hef ég fylgst með fjölmiðlafrumvarpi, uppbyggingu greiningardeilda og stofnun sérsveita. Ég hef heyrt og séð menn réttlæta fasískar lögregluaðgerðir gegn kínverska andófs- og heilsuræktarhópnum Falun Gong. Og síðast en ekki síst hef ég ásamt með þjóðinni fylgst með hinum þrákelknislegu yfirlýsingum varaformanns Flokksins um að hún ætli "víst og samt" á Ólympíuleikana í Peking hvað sem tautar og raular og hvað sem líður Tíbet, lýðræði og mannréttindum - sem hún segist vera búin að ræða nægilega oft við Kínverja.

Þekkir valdhrokinn engin takmörk lengur? Hvað er eiginlega í gangi hérna?"

Eitthvað sem flestir hafa á tilfinningunni.

Útkoman í þessari könnun er nú eitthvað sem flestir hafa á tilfinningunni. En er það nokkuð sem stjórnmálamenn þurfa að gera eitthvað með? Alls ekki víst að svo sé, ef við skoðum t.d. fylgi þjóðarinnar við kvótakerfi þeirra félaga Framsóknar og andskotans, þá sjáum við samfellda andstöðu við það nánast frá upphafi sem enginn virðist gera neitt með. Það m.ö.o. virkar ekki lýðræðið þegar kemur að svona málum, fólk hefur á því ákveðna skoðun en þegar kemur í kjörklefann þá kýs það eins og pabbi og afi og allir í kringum það gerðu. Þannig að mér er nær að halda að Davíð haldi áfram að fá sínu framgengt varðandi Evrópusambandið og þessi guðsvolaða þjóð fái að borga af því herkostnaðinn enn um sinn.

67,8 vilja hefja undirbúning aðildarumsóknar