Ha,ha....?

Stórsekt, hver fann það út að þetta teldist stórsekt í augum Raikkönen, eða í hans bransa yfirleitt? Þetta hefur örugglega verið svona matreitt hérna. Ég er nokkuð viss um að hann tekur ekki eftir að 285 þús. hafi farið af heftinu.

Räikkönen fær stórsekt

Það hefur nú stundum gengið illa á Riverside.

En nú er bara ekkert slíkt leyfilegt, svei mér þá, strákarnir eru í fantastuði og leikurinn enda óvenju mikilvægur, (eins og þeir eru allir um þessar mundir) svo það er bara ekkert slugs eða mistök í kortunum í dag, og hana nú!

Nær Man.Utd fimm stiga forystu á ný?

Alltaf sama sagan á Íslandi.

Það er ekki að orðlengja það, að ævinlega þegar við erum að taka upp regluverk annarsstaðar þá þurfa menn að gerast kaþólskari en páfinn. Svona hefur þetta verið með allt regluverk varðandi umhverfi fiskvinnslu í landinu, sett voru upp gengi eftirlitsaðila sem fóru á "stofugang" um landið og heimta nýtt gólf hér og flísar þar og alltaf vísað í regluverk frá Brussel. En það er mála sannast að engin Evrópuþjóð er að fara eftir þessum reglum með þessum hætti. Hér þurfa menn oft á tíðum að fjárfest fyrir gríðarlegar fjárhæðir til að standast þessar reglur sem menn gera ekkert með í t.d. Grimsby.

Þannig að þó ég þekki ekki til vökulaga eða samanburðar við Evrópu hvað það varðar, þá þykir mér ekki ótrúlegt að þar hafi menn gerst kaþólskari en páfinn, enn eina ferðina og kenni um vondu fólki úti í Brussel.

„Við erum bara sektaðir“

Róleg og fín nótt í borg óttans.

Þetta er glæsilegt! Allt á betri veginn í Reykjavík, bara einn á sjúkrahúsi. (verslunaröryggisvörður?) Þannig að þetta hefur verið rólegt og gott?

Fjórir fluttir á slysadeild

"Heilsuvörufyrirtækið" LÝSI hf.

Undanfarin kvöld hef ég gengið í hús nágranna minna til að safna undirskriftum gegn starfsleyfi til handa þessu fyrirtæki hér í Þorlákshöfn. Það er ekki að orðlengja það, í huga flestra tengist nafn Lýsis við vörur tengdar heilbrigði og hollustu. En í Þorlákshöfn er annað uppi, hér tengja allir fyrirtækið við ýldu og óþef ásamt afar leiðinlegum samskiptum við íbúana.

Ástæða þess að fyrirtækið hefur starfsleyfi yfir höfuð í dag virðist vera einhver óútskýrð tengsl eigendanna inní Heilbrigðiseftrirlit Suðurlands, sem eru þess valdandi m.a. að ef kvartað er yfir viðbjóðinum þá fyrtast starfsmenn stofnunarinnar við og senda fólki tóninn. Síðast þegar "heilsuvörufyrirtækið" fékk endurnýjað starfsleyfi var sótt um leyfi til 18 mánaða en "Heilbrigðiseftrilitið", þrátt fyrir áköf mótmæli íbúanna gaf LÝSI hf. leyfi til að moka yfir okkur ýldu og viðbjóði í 48 mánuði. Til allrar Guðs lukku kom umhverfisráðherra á svæðið og kippti þessu í liðinn og færði leyfið til 18 mánaða. Þar sitjum við núna og ekkert virðist geta forðað því að þessi vesalings staður verði enn um sinn frægur um heiminn fyrir þessa viðbjóðslegu ýldupest og úthlutað verði starfsleyfi fyrir þessum viðbjóði, LÝSI hf.

Ég vil ráðleggja öllum sem hafa einhvern snefil af sjálfsvirðingu að hætta að kaupa vörur skítmokaranna. Sjálfur hef ég fram á síðustu ár tekið Lýsi hvern morgunn frá barnsaldri, en nú hef ég fundið aðra vöru sem mér finnst fullt eins góð, ef ekki betri og er unnin úr selspiki og fæst í öllum betri verslunum og apótekum. Hér er um að ræða POLAROLJA og vil ég fullyrða að hún kemur fullkomlega í stað afurða LÝSIS og meira en það ef fólk þjáist af liðagigt til dæmis.

Það er algerlega fáránlegt finnst mér, að halda á við að kaupa afurðir fyrirtækis sem vinnur með þeim hætti sem LÝSI hf. gerir, ég get allavega ekki fundið mig í að styðja við bakið á þeim sem gefa mér og mínum fingurinn eins og LÝSI hf hefur gert og lái mér hver sem vill?

Hann á greinilega eitthvað inni hann Birgir.

Hann vonandi nær að toppa á morgun, svakalega fínn dagur hjá stráknum í dag og eitthvað svipað á morgun mundi sjálfsagt taka hann í toppbaráttu. En það getur nú fyrr verið gott en við verðum að senda honum góðar hugsanir, það getur ekki annað en hjálpað...

Birgir á næst besta skori dagsins

Auðvitað Einar og einhver mundi segja, mikið var.

Það verður að sjálfsögðu ekki varist í þessum skotgröfum hafta og tolla á matvæli öllu lengur. Þetta verður örugglega ekki auðveld fæðing, það verða margir til að öskra um aðför og allan pakkann en skrefið er alger nauðsyn.

Það væri óskandi að Einar næði áttum gagnvart LÍÚ klíkunni í sjávarútveginum líka, tæki á sig rögg og sendi einhverja vitræna meldingu út vegna úrskurðar mannréttindanefndarinnar. Auk þess þyrfti hann að setja undir sig hausinn og auka þorskkvótann strax um 50 þúsund tonn. Hann getur það fullvel án þess að þorskur sé farinn að ganga á land við Skúlagötuna.

Landbúnaðarráðherra boðar tímamótabreytingu

Undarlegt hvað börn eru lítið fyrir fisk.

Það er alveg ótrúlegt hvað börn geta stundum haft allt á hornum sér yfir fiski. Ekki það að ég hafi þurft að kvarta yfir slíku, mínir krakkar voru alltaf mikið fyrir fisk, enda fiskur mjög oft á borðum. Held reyndar að þetta sé eitthvað sem þarf að venja börn við frá öndverðu til að það verði partur af daglegri fæðuþörf. Það er eins og með Lýsisneyslu, ætti að vera partur af morgunverðinum, ekki bara barna heldur hjá öllum.

Fiskur gerir börnin greindari

Hefðbundið helgarfjör í borg óttans.

Svona fréttir eru nú nánast hættar að vekja sérstaka athygli. Virðast vera óhjákvæmilegur fylgifiskur þess að "skemmta" sér í borg óttans. Manni er reyndar orðið í barnsminni að hafa lagt í næturrölt á óeirðasvæðinu, enda varla farandi þar um nema í hóp.

Þrír handteknir eftir hópslagsmál

Stórlega hægt að efast um tilganginn.

Þjóð sem þarf að sitja undir ávítum frá mannréttindanefnd SÞ á kannski ekki svo mikið erindi þarna heldur. Það er ekki einu sinni hægt að merkja að það sé verið að gera neitt til að bregðast við því áliti sem þaðan kom.

Þarna virðust hafa verið farið af stað, eina ferðina enn, af meira kappi en forsjá og menn virtust álíta að þetta sæti yrði keypt með ferðalögum og fínheitum. Trúlega væri þarna betur heima setið en af stað farið, eins og svo oft.

Ræddi framboð Íslands í öryggisráðið