Hann ætlar að láta reka sig karlskepnan!!!

Það er ekki spurning, að honum finnst það eiga að verða endirinn á frækilegum stjórnmálaferli, að láta reka sig með skömm. Mikið held ég að sagan eigi eftir að stúdera háttalag þessa mikla foringja í framtíðinni og ekki er ég viss um að dómur sögunnar verði honum hagstæður, en hver veit....?

Jóhanna og Davíð ræddu saman

Athugasemdir

[Páll (IP-tala skráð) 3.2.2009 kl. 12:20]

Var ég að misskilja Jóhönnu fyrir helgi? Sagðist hún ekki ætla að reka Davíð?

Hann er enn Seðlabankastjóri að því best ég veit, en búinn að fá bréf frá Jóhönnu þar sem hann er beðinn um að hætta.

Hvernig er með verkhraða Jóhönnu sem sagði að sitt fyrsta verk yrði að reka Davíð?  Mér finnst lítið ganga hjá blessaðri konunni og ég er viss um að Geir hefur verið búinn að biðja hann að hætta.

Jóhanna láttu af þessum verkkvíða og gakktu hreint til verks.

Páll

[Skaz, 3.2.2009 kl. 12:22]

Finnst reyndar líklegra að hann sé að reyna að láta einhvern "tjónka við kvensuna" fyrst að hann getur ekki gert það þarna á staðnum enda erlendis. Held að hann trúi því alveg 100% að hann verði seðlabankastjóri samkvæmt nýja skipulaginu eða eigi einhvern rétt á annarri stöðu innan ríkisins þ.e.a.s. að hann vilji láta færa sig á milli embætta. En já ef allt fer í hart þá lætur hann reka sig og sérstaklega ef það þarf lagasetningu til.

[bogi (IP-tala skráð) 3.2.2009 kl. 12:36]

Jóhanna er að fara afar skynsamlega í þetta. Hún gefur honum lokatækifæri til að hætta. Davíð, tröllið sem hann er myndi helst vilja að hún myndi vaða beint í hann og reka, þá fengi hann samúð ótrúlega margra og gæti spilað sig sem einhvers konar fórnarlamb ofstopa vinstri manna.

Davíð hefur í hendi sér að gera þessa aðgerð óhemju dýra fyrir Íslendinga. Hann mun ekki gefast upp fyrr en í fulla hnefanna og ástæða til að fara varlega að honum. Hann hefur sogað nógu mikla peninga frá okkur inn í svarthol sinna afdönkuðu og meingölluðu hugmyndafræði og hagsmunagæslu.

Gleymum því ekki að maðurinn situr enn í embætti, það sýnir betur en nokkuð annað hversu forhertur og samviskulaus hann er. Verkkvíði er ekki það sem hrjáir Jóhönnu, skynsemi, nokkuð sem fólk á varla að venjast úr íslenskum stjórnmálum er að verða henni fjötur um fót.

[Axel (IP-tala skráð) 3.2.2009 kl. 12:38]

Sama gamla Jóhanna farin að skjóta púðurlausum flugeldum.

[Skaz, 3.2.2009 kl. 12:43]

Sniðugt reyndar hvernig hún brást við spurningunni um kostnaðinn við að losna við þá. Að þeir hlytu að vilja minnka kostnað þjóðfélagsins sem mest á þessum síðustu og verstu tímum.

Þannig að þegar mennirnir fara að krefjast himinhárra starfslokasamninga fer samúðin með þeim þverrandi...

[Þórarinn Guðmundsson, 3.2.2009 kl. 13:04]

Ég tel að það sé í raun auðvelt að reka manngarminn fyrir vítaverða vanrækslu í starfi, er alveg reiðubúinn að láta henda einhverjum milljónum í það að láta rannsaka það. Það sem hann hefur sagt og gert í sinni setu í stól Seðlabankastjóra. Það getur ekki annað verið að það sé lagalegur grunnur á að vísa manninum úr starfi af vel athuguðu máli, staðreyndirnar tala sínu máli, það hafa komið ótalmargar skýrslur sem hagfræðingar hafa lagt fram til þess að segja að allt væri að stefna í óefni en stungið ofan í skúffu til þess að hræða ekki viðskiptin frá landinu.

Samt ef allt er á leiðinni á versta veg þá held ég að það sé ódýrara í langtímanum að reka manngarminn og taka það högg í staðinn fyrir að leifa honum að sitja lengur og verða endanlega gjaldþrota þjóð...

[Ólafur Ragnarsson, 7.2.2009 kl. 03:14]

Sæll kæri blogvinur!Ég held að það sé ekki hollt fyrir ungan mennaskólapilt að leika Bubba Kóng.Það er eins og"karakterinn"gangi aftur og taki sér bólfestu í líkama þess manns löngu löngu seinna Mann sem ég einusinni leit upp til sem snjalls borgarstjóra.Hugsið ykkur hrakin að endingu burt úr starfi sem hann hefði aldrei átt að taka að sér.Hrakinn úr starfi hreinlega með skömm með miklum meirihluta landsmanna.Þarna styður stór meirihluti almennings Jóhönnu.Það varð þá lítil"mýsla"sem hrakti ljónið endanlega burt.Ertu enn að sigla hjá Norðmönnum?Þú sendir mér kannske rafpóst á"[e-mail].Sértu ávallt kært kvaddur