Enn slær moggi upp frétt um aukið verðmæti.

En það veit auðvitað hvert barn og hefur fundið á eigin skinni, að gjaldmiðlar þeir sem aflinn er seldur í hafa hækkað um helming þannig að 16,6% hækkun verðmætis á sama tíma er ekkert minna en hrun.

Og auðvitað ef skoðað er verðmætið sem kemur inná þessar rosalegu erlendu skuldir sem á útveginum hvíla fer nú að kárna gamanið. En það er auðvitað gott ef moggi þeirra sægreifa sér bara ljós og birtu þarna, það ætti að gleðja okkur hin?

Aflaverðmæti jókst á síðasta ári

Athugasemdir

[Finnur Smári Torfason (IP-tala skráð) 17.2.2010 kl. 21:35]

Ég ætla að leifa mér að leika mér aðeins að stærðfræðinni hérna.

Ef við tökum dollarann sem dæmi(en innkoma í sjávarútvegi kemur reyndar ekki í dollurum), þá kostaði hann að meðaltali 87.86 kr. árið 2008 samanborið við meðaltal uppá 123.3 kr. árið 2009. Það þýðir að hann hafi hækkað að meðaltali uppá rétt rúm 40%.

Ef við reiknum nú aflaverðmætið frá 2009 yfir á gengi ársins 2008 þá er það rúmir 75 milljarðar króna, sem er fall uppá  um það bil 16 milljarða(um 21%). Sem er töluvert hrun.

En aftur á móti skulum við athuga að árið 2008 var síldarvertíð og loðnuvertíð, en ekki árið 2009 og það munar nú um minna.

Allar upplýsingar er hægt að fá á vef fiskistofu og seðlabanka íslands