Framtíðin er fiskur, ekki vafi.

En það þarf talsvert að ganga á til að svo verði í alvöru. Það er auðvitað svakalegur skuldapakki á útgerðinni sem allt of lítið stendur á bakvið. Í sumum tilfellum hurfu veðin með falli bankanna og hlutabréfamarkaðarins, en á bakvið bróðurpartinn stendur froðan í kringum kvótakerfi sem allir sjá að er gengið sér til húðar. Þetta árið er mjög góð innkoma hjá flotanum, afurðaverð í hæðum sem við sjáum ekki aftur í bráð, en innkoman um 70 milljarðar á fyrstu 10 mánuðunum. Það verður nú trúlega erfitt að borga súpuna, sennilega 5-700 milljarða, með svoleiðis innkomu, hvað þá að ætla útveginum einhverjar frekari klyfjar?

Framtíðin er fiskur!

Athugasemdir

[Fannar frá Rifi, 17.12.2008 kl. 11:40]

ef útgerðir borga af sínum lánum. er þá ekki allt í besta lagi? eða á sjávarútvegurinn lúta einhverjum öðrum reglum en aðrar greinar?

kvótakerfið er best til þess fallið að skapa hámarks verðmæti til útflutnings. einfaldlega vegna þess að salan verður auðveldari. þú getur sagt við kaupandan að hann fái svona mikið í ár og svona mikið á næsta ári og svo framvegis. langtíma sölu samningar á litlu magni eru verðmætari heldur en uppboð á miklu magni. 

síðan er spurning. skuldar allur sjávarútvegurinn þetta eða er meirihluti skuldana í höndum eins eða tveggja fyrirtækja? myndiru segja að 10 milljarðarnir (mann ekki alveg töluna) sem teknir voru að láni fyrir ÚA og síðan HB séu háar fjárhæðir í þessu tiliti? við þetta má bæta að helmingurinn af þessari tölu sem þú nefnir gæti verið vegna hækkana á erlendum lánum. en þar sem tekjur eru í erlendum gjaldeyri þá breytir það engu þótt að tölur hækki á blaði hérna heima meðan þær eru fastar úti. 

ef einhvert fyrirtæki er illa rekið eða of skuldsett, þá fer það á hausinn. þá opnast leið fyrir aðra til að koma með dug og þor inn í greinina og kaupa kvóta til þess að hefja rekstur á útgerð.

[Helgi Þór Gunnarsson, 17.12.2008 kl. 12:45]

Sæll Hafsteinn, það er náttúrulega fáránlegt að veðsetja fisk sem enginn veit hvort syndir í hafinu eða ekki, en mér finnst kvótakerfið ekki eiga framtíðina fyrir sér.

Kær kveðja frá Eyjum.

[Fannar frá Rifi, 17.12.2008 kl. 13:39]

Helgi. hvernig ætlaru þá að slá lán á ný skip eða til smíða á nýjum vinnslum?

[Helgi Þór Gunnarsson, 17.12.2008 kl. 22:48]

Fannar, það á auðvita að leggja kvótakerfið niður, og taka upp sóknakerfi, þá verður verðmæti fiskiskipa meira.

[Fannar frá Rifi, 18.12.2008 kl. 00:42]

þá fáum við sama og gerðist í litla kerfinu. og hvað gerðist þar? gríðarleg efling á veiðiskipunum. keppni um það hver getur veitt mest. þegar smábátar fóru úr skeljum í það að verða yfirbyggðir með beitningarvélar og 500 hestaflavélar.

[Fannar frá Rifi, 18.12.2008 kl. 00:42]

of fjárfesting í iðnaðinum