Enn eina ferðina.

Það er með hreinum ólíkindum að það skuli ekki vera nokkur leið að finna grundvöll í þessa grein. Held að bændur þurfi að fara að kryfja hverju þeir eru að halda uppi með framleiðslu á besta kindakjöti í heimi. Kannski kemur að því að þeir verði bara að fá að haga sölu og verðlagsmálum eftir því sem þeir þurfa og laga framleiðsluna að því.

Rekstrargrundvöllur brostinn

"Hrein ósannindi"

Segir Þorbjörg Helga um fullyrðingar Láfa og ber fyrir sig að enginn geti rekið nema borgarstjórinn. Ég hef nú heyrt margt ótrúlegra en að einhver hafi leyft sér að fara framá við borgarstjóra að einhver sem ekki félli í kramið yrði rekinn, það verð ég að segja.

Við verðum örugglega þess heiðurs aðnjótandi að sjá skít og óþverra koma uppúr pokunum þarna næstu vikurnar. Ekki mundi ég hlífa þeim í Láfa sporum, það er alveg víst að stuttbuxnadeildin á ekkert inni hjá honum. Nema kannski mannorð hans, það var nú ekki alveg ónýtt þegar hann var "sjanghæjaður"?

Ólafur F. Magnússon: Stöðvaði brottrekstur

Heilsteyptur Framsóknarmaður.

Hún Marsibil virðist koma alveg óskemmd undan feldi þeirra Frammara. Það verður að teljast merki þess að það sé eitthvað í hana spunnið. Það er rétt hægt að ímynda sér hvað búið er að ganga á síðan fyrir helgi, við að bjóða henni gull og græna fyrir stuðning við dellumakarana, en hún stendur á sínu stúlkan sú. 

Marsibil heldur áfram að skora, það er ekki spurning.

Marsibil segir sig úr Framsóknarflokknum

Yfirgengileg spenna.

Þeir hafa aldeilis lag á að halda manni yfirspenntum þessir drengir. Maður var orðinn svo spenntur að það var ekki hægt að horfa lengur, svo það varð að fara útí garð að dunda sér undir útvarpslýsingunni. Svakalega mikilvægur sigur sem örugglega verður lengi í minnum hafður...

Snorri: „Sokkaboltinn kom sterkur inn í vítinu“

Mannsbragur að þessum vinnubrögðum.

Það er óhætt að taka undir með Reyni Traustasyni í þessu skrifi. Það er ekki á hverjum degi sem næst til drullusokkanna sem bera ábyrgð á skepnuskapnum sem innflutningur og fjármögnun fíkniefna er. Vonandi að svona dæmum fjölgi, þjóðin þarf svo sannarlega á því að halda. Það væri óskandi að bræður þessir komi sem fyrst undir sig fótunum á ný, mér finnst þeir eiga það skilið.

 "Bræðurnir Ari og Jóhannes Páll Gunnarssynir urðu uppvísir að þeirri ógæfu að flytja inn fíkniefni. Báðir eru þeir venjulegir Íslendingar sem lifðu að mestu leyti borgaralegu lífi. Tilvera þeirra var í föstum skorðum þar til upp komst um aðild þeirra að smygli á gríðarlegu magni af kókaíni.

Þeir urðu uppvísir að glæpnum og heimur þeirra hrundi. Í viðtali í DV kemur fram að peningagræðgi og fíkn réðu því að þeir létu tilleiðast. Það er engin ástæða til að vorkenna bræðrunum vegna þess að þeirra bíður fangelsisvist. En það er önnur hlið á máli þeirra. Þeir sögðu til höfuðpaursins í málinu. Til þess þarf kjark og sumir myndu segja fífldirfsku. Þekkt er úr fíkniefnaheiminum að þeir sem „kjafta frá“ verði fyrir grimmu ofbeldi og líf þeirra í hættu.

Þetta vissi Idol-stjarnan Kalli Bjarni sem stóð í sömu sporum og Ari og Jóhannes Páll. Kalli Bjarni valdi leið heigulsins og neitaði að segja hver eða hverjir stóðu að baki honum. Undir liggur að engin iðrun sé til staðar. Þar við situr. Bræðurnir sýndu kjark með því að játa undanbragðalaust og hjálpa lögreglu til að upplýsa málið. Þessu má ekki gleyma þegar samfélagið gerir upp sakirnar. Þegar afplánun er lokið verður fólk að gefa þeim tækifæri til að fóta sig að nýju.

Ef einhvern tímann er ástæða til að gefa mönnum uppreist æru þá er það í þeirra tilviki. Og samfélagið þarf að tryggja þeim skjól í þeim háska sem þeir standa frammi fyrir í dag vegna uppljóstrunarinnar. Til að segja til höfuðpaurs í fíkniefnamáli þarf hetjulund. Leið heigulsins er auðveldari en sú grýtta leið að iðrast og upplýsa."

Nú, vildu þeir endurvekja R listan?

Sennilega sjáandi það að það færi aldrei aftur maður frá B lista inn í Reykjavík. Trúlega verða færri útlendingar fyrir næstu kosningar til að selja atkvæði til Framsóknar fyrir pizzur og kók. Kjósendur í Reykjavíkurhreppi verða bara að bíta á skemmda jaxlinn þessa mánuði sem þarf að bíða af sér þennan sirkus.

Samfylkingin hafnaði nýjum Reykjavíkurlista

Montið í kringum Gæsluna.

Það væri betur komið í fangelsismálin eitthvað af montinu Björns Bjarnasonar í kringum "Gæsluruglið".

Auðvitað þarf að halda þar við flugflota og skipum, en ef það þarf að forgangsraða á annað borð þá virðist augljóst að það liggur meira á að byggja fangelsi yfir þá sem er búið að dæma þar inn, en að byggja risa-varðskip sem ekki verður hægt að halda úti vegna peningaskorts, frekar en þeim sem nú liggja við bryggju allt árið.

Þarna er klárlega eins og vitleysunni verði allt að vopni. En það verður sennilega hægt að borga byggingarnefndinni, eins og öllum hinum nefndunum um fangelsisbyggingar á liðnum áratugum ?

Ný eining byggð við Litla-Hraun

Eitthvað á það eftir að hækka lánin?

Svo er verið að barma sér yfir erlendu lánunum, við eigum nú eftir að sjá allan pakkann í ránskjaravísitölunni þegar búið verður að landa öllu inní hana, trúi ég.

Lambakjötið hækkar um allt að 10-14%

Lítið gleður.......og allt það..

Undarlegt hvað það þarf lítið til að vekja upp mikla gleðitilfinningu á þessum bæ orðið. En þrátt fyrir alla þessa gleði og samskipti hans við Guðna for(n)mann í aðdragandanum, situr Reykjavíkurhreppur uppi með samskonar afstyrmi af meirihluta og er að fara frá, nema í stað klofins F lista er kominn klofinn ör- Framsókn. En þetta verður örugglega ekki verra en Láfi og Co. svo það er kannski ástæða til að gleðjast?

Geir ræddi við formann Framsóknarflokksins

Vel að þessu komnir.

Þessi verðlaun hafa farið verðskuldað til Seiglu, að mínu mati. Væntanlega eiga þau eftir að gefa Seiglu byr í seglin við að markaðssetja sig í Noregi og ástæða til að óska þeim til hamingju með þennan árangur.

Seigla fær nýsköpunarverðlaun