Mjög gott dæmi.

Þetta verkefni er mjög gott dæmi um hluti sem eiga að vera á sameiginlegu borði íbúa hér á svæðinu. Það var þeim líkt á Selfossi að hafa um þetta forgöngu og að því kemur Hveragerði, eðlilega enda í leiðinni, en hvar eru forkólfar "Ákavítis"???

Það er ekki nokkur vafi í mínum huga að hagsmunir íbúa hér við ströndina liggja í að tengjast öllu svæðinu og auðvitað ætti allt svæðið að vera í einu samfélagi, þar yrðu almenningssamgöngur sjálfsagt fyrsta verkefni bæjarstjórnar, bæði innan svæðisins og til höfuðborgarinnar.

Það þarf að komast uppúr þessum "smákóngahjólförum" í sveitarstjórnarmálum og færa sig í það að átta sig á að þessar einingar eru til að þjóna fólkinu en ekki öfugt eins og við höfum fengið að smakka á.

Buguð af háu bensínverði

Dæmdir umhverfissóðar.

Það á ekki af okkur að ganga, en það eru örugglega ástæður fyrir svona vinnubrögðum. En "Ákavíti" er varanlega á kortinu fyrir þessa lyktarmengun og ekkert við því að gera, að því er virðist.

  

"Lýsi fær starfsleyfi til tólf ára

Fiskþurrkun Lýsis í Þorlákshöfn Mikill styr hefur staðið um rekstur fiskþurrkunar Lýsis í Þorlákshöfn.mynd/gks

„Það var samþykkt að gefa út starfsleyfi til tólf ára," segir Elsa Ingjaldsdóttir, framkvæmdastjóri Heilbrigðiseftirlits Suðurlands, um starfsleyfi fiskþurrkunar Lýsis í Þorlákshöfn. Starfsleyfið, ásamt innsendum athugasemdum var tekið fyrir á fundi Heilbrigðsnefndar Suðurlands á föstudag.

Sjö athugasemdir bárust heilbrigðiseftirlitinu vegna starfsleyfisins en frestur til athugasemda rann út 29. maí síðastliðinn. Elsa segir athugasemdirnar þær sömu og þegar starfsleyfið var síðast auglýst og almennt sé því mótmælt að starfsleyfið verði gefið út.

Hún segir þetta ákvörðun nefndarinnar en ef einhver þeirra sem gerðu athugasemdir óski nánari skýringa þá verði við því brugðist.

Sveitarfélagið Ölfus hefur ekki veitt Lýsi leyfi til uppsetningar hreinsiturna við verksmiðjuna og vísað til þess að breyta þurfi skipulagi. Elsa segir turnana inni í starfsleyfisskilyrðum og það sé skilningur nefndarinnar að ef ekki fáist tilskilin leyfi til uppsetningar þeirra falli ákvæðið um sjálft sig. Það standi því upp á sveitarfélagið að veita leyfið.

„Ég bara trúi þessu ekki," segir Ólafur Áki Ragnarsson, bæjarstjóri í Ölfusi. Hann segir umhverfisráðherra og Umhverfisstofnun hafa lofað að skoða málið. „Ég trúi ekki að menn séu svona ósvífnir. Það getur ekki verið að hægt sé að leggja þetta á fólk í Þorlákshöfn, að rétturinn til að vera til, sé einskis metinn." "

Ég hélt nú svei mér þá....

....að ekki væri hægt að segja neina sögu af þessum pilti sem ekki gæti verið sannleikur, en það tókst þeim á DV. Þarna yfirskutu þeir og kallinn hefur ekki verið að búa til peninga í laununum fyrir sig með þessum skráningum. Þá er eftir að finna út hver tilgangurinn er einhver er hann með því að skrá sig í Þykkvabæ en búa í Hafnarfirði?

Fjármálaráðherra segir rangfærslur í frétt um lögheimili hans

Ekki ólíkleg niðurstaða.

Það verður að segjast eins og er, að það væri ekki undarlegt miðað við hvernig allt gengur fyrir sig á þessum bæ, að eitthvað af fólki og þekkingu færi frá OR. Auðvitað færi sú þekking eitthvað annað og fer þar að lifa sjálfstæðu lífi í samkeppni við OR. Vitleysunni verður allt að vopni þarna undir þessari þriðju stjórn á stuttum tíma og það fer á endanum að bíta.

Buðust til að taka yfir verkefni REI

Djöfullegar fréttir fyrir Liverpool.

Eins og Lúserpúlarar eru búnir að vonast eftir að kallinn hætti. Þeim verður nú ekki kápan úr því klæðinu á næstunni, svo þeir verða að sætta sig við að vera þarna einhverjum sætum neðan við, að svo stöddu.

Ferguson ætlar að hætta fyrir sjötugt

Kristján að klára málið.

Og það var honum líkt. Hann hefur reyndar allan tímann sagt að kaupendur væru að kjötinu í Japan, ég hef alltaf óttast að flutningur umskipun í Evrópu og annað umstang væri þröskuldurinn vegna mótmælenda og vandræða þeim tengdum og þarna leysir hann það með flugi.

Nú þarf karlinn bara að semja við vini sína þarna um að þeir sendi hingað verksmiðjuskip sem hann veiðir fyrir, það er ráðið.

Langreyðakjöt sent til Japans

Magnaður leikur.

Það var mikil spenna og skemmtun af þessum leik. Mikill munur frá leiknum við Pólverja og markvarslan hreint mögnuð. Það er ekki að spyrja að niðurstöðunni þegar markvarslan er að ganga vel.

Til hamingju með daginn strákar...

Handboltaliðið fer á ÓL í Kína

Hvert var vandamálið Björn?

Ég varð ekki var við annað en að björgunarsveitirnar hafi verið fullfærar um að sinna hjálp og aðstoð á svæðinu? Mér finnst allt í kringum þetta mál staðfesta að það sé ekkert við þessar sveitir að gera. Auk þess sem hægt hefði verið að fljúga inn aðstoð frá Evrópu eftir nokkra klukkutíma til að leysa af, ef þörf hefði verið á, eins og raunar kemur fram í fréttinni að boð komu um úr öllum áttum.

Heimild til að kalla út varalið hefði komið sér vel

"Lítið gleður vesælan."

Það er óhætt að segja að það þarf lítið til að gleðja þennan pilt. Það er ótrólegt að þeir sem eru að berjast við að halda hlutum gangandi með allt of lítinn kvóta geti tekið undir með ráðherranum. Það var reyndar búið að spá því hér, að það yrði ekki svo mikið vart við niðurskurðinn til vors, en það verður gaman að sjá hvort ráðherrann verður eins borubrattur fyrir hönd greinarinnar þegar við komum inní ágústmánuð?

Kvótaniðurskurður hefur skilað árangri í markaðsstarfi

Átti einhver von á afgerandi svari?

Því trúi ég nú svona mátulega. Ég hef ekki haft á því trú miðað við allt sem á undan er gengið hjá kvótaflokknum sem fer fyrir málinu. Þeir munu reyna að verja skepnuskapinn "eins lengi og það er volgt í þeim hlandið."

Ekki forsendur til að greiða skaðabætur