Og þykja nú varla tíðindi?

Það verður að segjast eins og er að þessa niðurstöðu hafa flestir Íslendingar séð fyrir sér allar götur síðan tilboð "frystihúsaíhaldsins" kom fram. Svo langt frá áætlunum var tilboðið að það gat aldrei verið ásættanlegt og jafnvel ekki eftir alla þá yfirlegu sem menn hafa gefið tilboðinu.

Smíði Vestmannaeyjaferju boðin út á ný

Þvagleggur sér um fjölmiðlana.

Ekki sá skemmtilegasti, en einhver verður að bulla í þeim og þá er ágætt að setja einhvern í það sem ekki nýtist í neitt annað hvort sem er. Hann er reyndar afar undrandi á að vera á lífi, en það er nú vandi að hitta piltinn svo það er nú kannski orðum aukið. En mikið af "efum" hjá pilti og nú mælir hann með kaffidrykkju starfsfólks.

Heyrði reyndar í morgun, að "háttvirtur" ríkislögreglustjóri er kominn í málið svo þá hægist nú vonandi um hjá Legg löggu og það er hið besta mál.

Allt í lamasessi

Er það tilfellið Björn?

Það má nú mikið vera ef þeir hafa verið mjög sterkir á svellinu. Þeir eru auðvitað mannlegir og ekkert endilega hafnir yfir allan vafa þá frekar en nú.

Dómarar ekki viljalaus verkfæri

Þetta fellur ekki í góðan jarðveg hjá öllum.

Ég er viss um að hann Halli gefur ekki mikið fyrir svona ummæli um eftirlætisökumanninn sinn.

Räikkönen fær það óþvegið

Rosalegur erill hjá Þvaglegg löggu.

Þetta er nú meiri ófriðurinn hjá liði Leggs löggu, hér eru tilgreind ekki færri en sex svakalegar uppákomur. Það kemur sér að vera búnir að leggja niður löggæslu hérna við ströndina og geta einbeitt sér að þessum stóru málum.

Mikill erill á Selfossi

Siðlausir Spanjólar.

Það er von að Ferguson sé illur yfir þessu stanslausa rugli í snepli þeirra Madridinga. Þó verður auðvitað að gæta að því að aldrei verður friður fullkominn friður til að halda besta knattspyrnumanni heims í sínum herbúðum, og allt eðlilegt með það. Það eru hinsvegar vinnubrögðin þeirra Spanjóla sem fara fyrir brjóstið, stanslaust nudd, söguburður og ósannindavaðall, en það hefur hver sína aðferð á hlutunum...?

Ferguson er foxillur út í spænsku meistarana vegna Ronaldo

Enn og aftur talar Þorsteinn Pálsson af viti.

Ekki kannski einhver rosaleg speki, en heilmikil samt. Það verður að segjast eins og er að Þorsteinn hefur talsverða tilfinningu fyrir stöðu mála bæði fyrr og nú, engin stóridómur en ekki svo galin hugleiðing:

Fyrsta árið

þorsteinn Pálsson skrifar:

"Helsti ágalli gildandi kosningaskipunar og flokkakerfis er sá að kjósendur geta ekki sjálfir við kjörborðið valið á milli borgaralegra ríkisstjórna og vinstri stjórna.

Helsti ágalli gildandi kosningaskipunar og flokkakerfis er sá að kjósendur geta ekki sjálfir við kjörborðið valið á milli borgaralegra ríkisstjórna og vinstri stjórna. Kosturinn er á hinn bóginn sá að unnt er að mynda stjórnir með mjög breiða skírskotun út í samfélagið þegar mikið liggur við. Sú stjórn sem nú fagnar eins árs afmæli endurspeglar vel þennan pólitíska veruleika. Á þessum tímapunkti er rétt að spyrja hvort myndun hennar hafi verið skynsamlega ráðin.

Lánsfjárkreppan og gengisfall krónunnar er einhver mesta áraun sem ein ríkisstjórn hefur glímt við í langan tíma. Flest bendir til að stjórnin muni standast það próf. Forsætisráðherrann hefur stýrt varnarviðbrögðunum af hyggindum og festu en án upphrópana. Engir brestir eru í samstarfinu um þetta efni. Ekki verður séð að annað stjórnarmynstur hefði verið betur í stakk búið til að glíma við þetta stóra og margþætta viðfangsefni.

Stærsta spurningarmerkið í þessu samhengi lýtur að framtíðarstefnunni í peningamálum. Þar hefur stjórnin ekki enn haft svigrúm til að leggja trúverðuga línu til að sigla eftir. Sumir líta á ágreining stjórnarflokkanna um nokkur minni háttar mál sem alvarlegan veikleika. Einstakir viðburðir af því tagi eru satt best að segja óhjákvæmilegir fylgifiskar í jafn breiðu stjórnarsamstarfi og hér um ræðir. Í því efni verða menn að vega meiri hagsmuni gegn minni.

Sannleikurinn er sá að stjórnin er á stuttum tíma að koma fram mikilvægum skipulags- og kerfisbreytingum og hún hefur fundið lausnir á eldfimum stórpólitískum viðfangsefnum. Nefna má kerfisbreytingar í heilbrigðismálum, nýja sveigjanlegri og framsæknari skólalöggjöf og sátt um skipan eignarhalds á orkulindum. Þá hefur stjórnin verið einhuga um nýskipan varnarmála með stórauknum íslenskum umsvifum. Fá dæmi eru um að ríkisstjórn hafi náð saman um svo víðtækar og fjölþættar grundvallarbreytingar og lausnir á fyrsta starfsári.

Eini vegur stjórnarandstöðuflokkanna til valda er að komast upp á milli stjórnarflokkanna eða gera þeim erfitt fyrir innandyra. Stjórnarandstöðuflokkarnir eru einfaldlega of smáir til að geta sameiginlega verið sannfærandi ríkisstjórnarkostur. Forystumönnum VG hefur tekist að viðhalda þeim mikla styrk sem þeir náðu í síðustu kosningum án þess að færa sig nær miðju stjórnmálanna. Framsóknarflokkurinn er líka í sömu sporunum. En sú staða er þar á móti afar veik. það hlýtur að valda forystu hans áhyggjum.

Til marks um árangur stjórnarandstöðunnar má nefna að forvígismönnum í VG tókst að verða eins konar hughrifavaldur um athafnir svonefndra sexmenninga í borgarstjórnarflokki Sjálfstæðisflokksins með kunnum afleiðingum. Forystu VG hefur einnig tekist að festa umhverfisráðherrann í málefnanetum sínum. Það er sneggsti bletturinn á stjórnarsamstarfinu. Sú staða felur á hinn veginn líka í sér einstakt sóknarfæri fyrir Framsóknarflokkinn. Stór stjórnarmeirihluti hefur því ekki keflað fámenna stjórnarandstöðu eins og ýmsir óttuðust.

Að öllu virtu er niðurstaðan sú að skynsamlegt var að mynda þessa ríkisstjórn. Hún er vafalaust besti stjórnarkosturinn í núverandi umróti í þjóðarbúskapnum. Á hinn bóginn er stjórnin um margt óskrifað blað þegar til lengri framtíðar er litið. Bollaleggingar um mögulega tveggja kjörtímabila stjórn eru því ekki raunhæfar eða tímabærar á þessum tímamótum í tilveru hennar. "

Held það sé ekki hægt að hafa meiri spennu í fótboltaleik.

En það er örugglega sárt eins og sjá mátti á fyrirliðanum Terry að tapa leiknum með þessum hætti. Leikurinn var köflóttur og bæði lið áttu sína spretti en að sjálfsögðu fannst mér niðurstaðan sanngjörn.

Man. Utd Evrópumeistari

Olíukostnaður flotans getur bara hækkað.

Það má ljóst vera að olíuverð fer aldrei niður aftur til neins gagns. Það fer að verða snúið að eiga við kolmunnaveiðar t.d. og trúlega fylgja togveiðar almennt með. Nú ríður á að menn snúi sér að veiðiskap sem gefur hagstæðasta hlutfall afla miðað við olíueyðslu.

Það er hláleg staðreynd að nánast öll endurnyjun í flotanum, (utan smábáta) er í togurum sem smíðaðir eru og styttir til að toga í fjörum við suðurströndina, ekki mjög hagfelld ráðstöfun, hvorki veiðslóðum eða hvað kostnað áhrærir.

Verð á olíu yfir 130 dali

Tímabundið bakslag.

Það er líklegt að það verði ekki eins auðvelt að lofa orku á þessu svæði í næstu framtíð, nema þá uppí ermina á sér eins og menn hafa verið að gera. En er ekki líklegt að haldið verði á við að skoða þá möguleika aðra sem eru hér sunnar og vestar á heiðinni, á svæði sem ekki er annar eins ágreiningur um og er varðandi Bitruvirkjun? Það er ekki ástæða til að halda annað.

Skortur á orku getur orðið vandamál